想養狗...選狗

養狗之前一定三思而後行!!!
如果家人反對而又同家人住...
買左返屋企後...家人又唔鍾意..攪到"艾交"就無謂啦...
如果你自己本身無時間照顧寵物...
就更加唔應該買..

至於有咩狗令..金毛尋回犬or松鼠狗都唔錯..
如果係..養狗唔可以睇佢地靓唔靓黎定...
令狗未必容易養..自己未必應付得黎...
屋企大細,環境,邊d狗應該唔應該食咩,自己空閒時間夠唔夠,定期帶狗散步,金錢問題....
呢d問題必須預先考慮...

我講咁多呢d野..都係因為我做義工時發覺...真係有好多人..
因為無興趣/無錢比寵物睇醫生/屋企人反對等問題...
令好多寵物白白枉死...比人人道毀滅...
場面悽慘..唉~ 重有好多有心人..犧牲自己娛樂or休息時間..
節衣宿食..用自己人工養活一群群流浪貓狗...
最終都係果句...買寵物前唸得好清楚先買..

我就覺得松鼠狗又Q又靚，不過你媽咪唔比，你都養唔到，但你想養狗的話，你要都明白點養狗，你要明白好多好多的養狗知識ga~因為你一養狗，就要養牠一生，如果你媽咪因為你唔明點養狗而唔比你養狗，你就好好學吓，比你媽咪知你明點養狗，但你媽咪覺得狗臭，好難養而唔想養的話，就唔好逼你媽咪lu~因為會有反效果ga!!

你都是唔好養狗!我都養過形真麻煩常要帶牠去街早午晚

養狗唔係睇隻狗令唔令架，養狗就好似生左個仔咁，無論靚唔靚仔，聰唔聰明，好壞都唔可以離棄佢架，諗清楚先啦!!

根據時下新一代既語言我諗你係話 "有咩狗靚"??
養狗唔係講靚, 無論邊一種狗響 bb 時期都一定會好得意好靚, 但大左之後就唔會再得意, 咁到時又點呢? 再養過另一隻 bb? 況且你媽咪都講左唔比, 你堅持要養, 有冇諗過第時隻狗會有咩下場??

*** 停一停．諗一諗 ***

你媽媽唔俾養, 你仲諗?
養狗係要一家人大家都同意, 共同承擔照顧佢既責任先得
如果唔係咪到時, 你咪養幾個月咪又唔養, 到時又多一頭流浪狗狗

咩狗都靚, 最緊要聽話同健康, 知無?