我近來養左小狗

既然狗狗都已經帶左番黎, 再責怪都冇用, 不過你要知道咁樣偷運狗狗真係可以好大鑊的, 打訓覺針對狗狗黎講亦好危險, 佢咁細個可能受唔倒, 會死架! 絕對唔可以有下一次了~

隻狗狗係咪響 pet shop 買? 如果係就要留意佢有冇肚痾/發燒/鼻水/咳 呢 d 症狀, 因為呢 d 都係狗仔響狗鋪經常惹倒既病, 一發覺佢有唔妥就要帶佢去睇 vet; 其實同 vet 講佢係響邊度買番黎既好處係 vet 會針對某 d 問題同狗仔檢查, 到狗仔要打第 2 針果時你可以補充番呢個資料丫~

以下係我既建議/reminder:
1. 狗 bb 總共要打 3 針, 針咭後面應該寫明幾時打第幾針, 記得唔好 miss 任何一針呀, 如果唔係又要由頭打過架啦~
2. 佢而家食既係咪 bb 糧? 個人覺得 bb 糧買貴 d 靚 d 係值得既, 等佢成長過程發育得好 d, 抵抗力強 d 冇咁易病, 佢又開心你又開心~
3. 小心大部份杜虱藥響狗狗 3 個月大之前都唔用得, 要睇清楚呀~
4. 2 個月大其實已經可以教佢邊度係佢大小便既地方, 可以唔駛用尿片架啦, 如果唔係到佢習慣左有尿片, 再大 d 仲難教呢~
5. 玩具方面可以唔駛響 pet shop 買, 比個網球佢已經可以玩好耐 (其實某程度上我覺得 pet shop 好多 products 係呃主人錢的, 尤其係第一次養寵物既主人)
6. 小食唔好買太多, 對狗仔冇益之餘仲會令佢冇胃口食正餐 (狗餅)~
7. 儘量 set 一個時間表比狗仔, 幾點食野/帶佢出街/廁所/玩/訓, 咁佢會易教 d~
8. 夜晚天氣凍, 記得比多 d 毛巾佢鋪響狗屋訓 (幫佢著一件衫, 唔駛著太多), 千祈唔可以比佢冷親呀!
9. 響網上面搵多 d 邊 d 係狗唔食得既野, 唔好比人食既野佢食, 尤其雞/豬骨~!
10. make sure 佢個水兜 always 都有水比佢飲 (狗餅會令佢頸渴)

我暫時係諗倒咁多, 至於點教好狗狗, 其實只係一樣野 -- 你有心機&用正確既方法教佢就會聽, 2 個月大需要用好多時間心機教, 有咩唔識都可以響網上搵資料, 努力~!

p.s. 佢只在乎你點對佢, 記住 : 佢可能只佔你生活既一部份, 但你就係佢既全部, 要認真地承擔呢個一生一世既承諾!! :)

你sent e-mail 給我... [email protected] 我有? 可幫到你... 只要你真的一生一世愛他....我都好喜歡狗的人

你怕佢有病係因為你係東門買兼偷運落黎, 其實睇下好唔好彩, 好彩的話長命百歲, 唔好彩的話....., 要睇下你同狗狗有無緣份喇!

其實你已經做左好多野, 邊到買都好, 小狗係無罪既, 你比d烚雞肉佢撈糧食, 等佢抵抗力強d啦! 狗狗要食肉先有抵抗力架!

下次唔好偷運狗狗喇, 好大風險架

你而家既情況, 都仲ok, 因為隻狗狗冇咩病, 記得留意佢既健康, 不過下次唔好了

不過你有2樣野要留意

1) 我所知, 狗狗好似係要係2個月大整晶片, 如果你有心養, 就快d拎佢去整左佢
2) 記得絕育要細果陣整, 大隻整佢會好辛苦

而隻狗仔用咩就要睇你果隻係咩野狗, 有冇呢details既野俾到我, 等我再幫你睇睇

大陸狗...
當然我地唔想佢有事
但好心佢會帶埋d病俾你
一定要check清楚
我屋企d狗都無話要d咩特別用品ga wor
不過你可以send e-mail俾我
睇下我可唔可以講到少少野你知