有人可以幫我挽回這個友誼嗎?有最佳解答！?

我唔係好知點樣同你講，我以前都試過。我小學同一個人好friend，佢係隔離班，平時都係小息見面一齊挽，上到中學同佢同班，多左好多機會一齊。之後佢突然唔理我，我好驚，因為我冇咩朋友，然後我就問佢點解，求佢理番我，咁之後佢就唔想同我挽，冇點解，我後來先知道佢以前(仲同我係friend果陣)已經成日喺度講我壞話，之後佢有佢d friend，我每次見到佢，佢同佢d friend都會扮到好驚咁走開喺度笑，果陣我好唔開心，成日求佢原諒番我，但係我之後諗通左，佢以前都係挽我姐，我冇再理佢，有自己d friend，佢見到我依然會拉住d friend走好同笑囉。

你可能會覺得係我有問題啦，咁又冇話一定係佢錯晒，但我而家都有自己d friend啦。我想同你講ge係，你咁想挽回依段友誼，你係因為掛住以前的時光，定係真心想同佢做friend而你又確定佢對你都係真心唔係挽你呢?我明白你可能而家冇朋友，好想同番佢做朋友，但係做朋友就係寧缺勿濫囉。如果佢又唔係真係想理你，你貼埋佢人地都只係會嫌你煩。

我希望你個朋友唔係咁啦，真正的朋友唔會因為一個誤會而分開ge，你諗清楚啦。

回應番你問題，如果你真係確定佢係一個「好人」，咁你可以寫封信比佢，咁樣有誠意d，但係我覺得如果佢都想同你做番朋友，佢就會主動d囉，不過依個世界都係你唔主動我主動，你主動我唔主動架啦。

你真係要諗下佢係咪真係適合做你朋友，我都知做邊緣人會好尷，但係你尷多一陣，話唔定真係會搵到一個真正好的朋友呢?

hi我唔係好知點樣同你講,因為我只得幾乎幾........little friends!!