我得咗一個好怪嘅精神病?

7-8年前當我仲係16歲嘅時候，我覺得打飛機係一件會危害健康嘅事，所以我決心戒左佢，點知戒極都戒唔甩不斷失敗，而最後一次當我睇完咸片極想打飛機嘅時候我死忍唔打，忍得好辛苦壓力好大，之後就出事啦。自從個日起每當我一諗野嘅時候就會有性幻想伴隨住焦慮出現，做咩都會諗住，搞到我聽人講嘢聽唔到，返工做野專心唔到，就連跑步都諗緊，嚴重影響我嘅生活。睇過精神科醫生同臨床心理學家都幫唔到我啲咩，直到依家都係咁，情況一直冇改善，打翻飛機都一樣，無論做咩都無改善，分散唔到注意力，經常會好驚有性幻想走出黎，因為怕人哋睇穿我諗咩，同埋覺得諗得多會影響健康，無論係精神定係肉體。有冇人可以解釋到呢個係咩病，究竟我要點做先可以好翻？唔該！