背脊肌肉痛尋求解決方法？

我背脊肌肉痛左好幾年，去醫院check過磁力共振，抽血驗左2次，醫生話我一切正常，係有啲貧血，醫生話係正常位置

剛開始係因為訓竹蓆訓到好痛先去睇醫生，以前張床褥凹左入去，所以成張床換左，以加訓上下格床，床褥係買雅芳婷既，乳膠海綿個種無咪彈性，但訓落算舒服

枕頭換左好多個，我側訓平訓都會，小朋友枕頭平訓舒服側訓訓左2年，近排開始會腰痛頭痛，又試過中間底2邊高既枕頭，同樣吾舒服酒店款式枕頭側訓舒服平訓又太高，用反雅芳婷既乳膠海綿枕高底款，質地比較硬，側訓個身體要訓到好直先舒服一直都有去針灸，只係醫好左7成，利2年有做物理治療，自己係屋企做左成年瑜伽拉筋，只係一時既舒緩，每晚訓覺第二日起身就會痛，有時條頸痛有時膊頭有時條腰，換左幾次枕頭後，個頭好痛好似比野箍住咁，又間中聽到耳鳴聲之前照過X光醫生話我條腰好直，最近個次去照，見到條腰彎左，應該係做瑜伽拉筋既成果，我亦發現每次企直臀部位置要微微向上橋先會舒服，所以我真係無辦法，想係度請教一下專業人士，我既問題係邊度，從何處入手先會解決到我多年背脊痛既問題？因為利個病搞到我手腳麻痹，吹風扇吹冷氣都會痛，又出吾到力平衡力都差左，好影響工作，我想治好利個病，等我可以有健康嘅身體去工作，請你地幫下我🙏🏻🙏🏻