無良業主 想提早解除租約 (死約期內) 求賜教 特別是關於法律上的!?

本人五月租住一單位, 簽約後到正式搬遷入住, 已跟業主攪得不太愉快, 都是關於維修事宜, 業主沒跟進, 無進度, 無影無踪, 到追問時, 只換來一串潑婦罵街式的無理漫罵. 後來也總算於入住前做妥.
入住幾天, 發現冷氣不凍, 只出涼風, 夜晚開住冷氣都會熱醒, 廳就一D凍意都無, 坐小巴比坐在家還涼快. 故即時通知業主, 業主後來就安排換機. 可惜的是新冷氣情況都是一樣, 就算開了冷氣, 都會跟外面氣溫一樣. 這樣是一直燒錢(電費), 但又享受唔到應有嘅冷氣. 通知業主, 只說會安排師傅檢查, 但之後又是無影無踪. 直至再追問, 是打電話的, 竟被CUT線. 後來她特意到來查看, 除了冷氣, 還有其他漏水問題, 熱水爐問題, 天線問題. 但到她來後, 除了擺出一副好串嘅姿態, 還有恐嚇我, 話自己唔係善男信女, 佢隨時可以放低D仔嚟同我玩. 我真唔明, 我只係想有一個安樂窩, 我唔知要玩咩. 咁熱, 點住?! 我都只係做番我租客應有嘅權利. 最後都係不歡而散. 佢只話會安排師傅檢查冷氣, 及安排師傅維修其他問題. 但又過了5,6日, 依舊無影無踪, 無消息.
現在問題是, 業主一直強調要維修的她必定會處理好, 可是按之前經驗, 她似是在拖延, 亦無意去解決問題, 但無冷氣確實是難捱的, 影響了我的睡眠, 日常的情緒, 工作. 我明白她已經換了新機, 但我估計是匹數不夠大, 似乎如果她不換機, 我只有一直要捱到過了死期.
所以如果她堅持不換, 又沒方法處理, 我可以自行換機嗎? 但未搬之前, 因浴屏有問題, 她也遲遲沒覆, 當時有提過不如我自行更換, 她當刻已發瘋似的一輪漫罵, 又不容許我換. 所以可能這次情況都一樣.
我上網看到有人提議可以: “帶齐文件証噱由你申請土地審裁處退租，等官判，勝訴咪5洗賠比佢！” 程序又係點呢? 我無法在一個舒適的環境生活, 可以作為於死期內停租的原因嗎?
我知道我可以做嘅好少, 只有硬食. 但想知多D, 知清楚D保障自己. 自己出來租屋已有二十年, 從未遇過一個難溝通又潑辣的, 老實說, 她無話唔處理, 我也沒奈何.
煩請各位提供任何意見.