起網上搵左間冷氣機工程公司黎整，最後換左壓縮機同加雪種，總共$2200。開左一晚第二晚已經唔涼同冷氣寫住ec
再搵返個師傅，佢話公司聽日會聯絡我，最後都冇，我自己聯絡返間公司，要4日後先有時間。
到左整當日，上午個師傅上睇黎完話漏雪種話公司會聯絡我就走左
我以為佢上黎檢查，佢公司會再聯絡我搵師傅整。
點知下午間公司whatsapp sd 張報價單黎竟然係一部冷氣機同安裝費$11800
我問：點解個師傅話漏雪種而家變買冷氣機
佢：散熱機漏雪種唔建議整
我：整要幾錢，佢先答要搵原廠整
我：咁第一次又會整？而家換左壓縮機加雪種先講要搵原廠
佢：當時壓縮機係壞先會換，雪種就寫明不包漏，係今日檢查先知係散熱機漏雪種
我就講係你地疏忽當時唔check 導致咁佢就冇再覆我
我想問整件事合唔合理？佢係咪黑店定我怪錯佢？
如果佢真係黑店我搵消委會幫唔幫到我？
唔該晒，麻煩睇咁長篇
始終$2200唔係小數目想快d 搞清楚件事，唔該大家
更新1:
窗口式方便又平我都明白, 但無奈居住地方只准安裝分體式 事情發生左, 我想知道可唔可以追討返, 唔該晒