✔ 最佳答案
係香港想成為飛機師非常困難，因為從古到今，從來無一個正規課程可以比年輕人入讀，然後畢業成為飛機師。由於國際航空界完全以英文為溝通語言，所以你既英文程度係必需絕對要極高，唔係隨便可以簡單介紹自己一分鐘嗰種最基本既能力，而係要完全可以聽到任何口音既英文，然後毫無差錯去執行指令及作決定。做飛機師絕對唔可以犯錯，因為一犯錯，全機人包括你自己在內都會無命。
“做飛機師”其實有兩個意思，一般係指做航空公司既民航機師。要做得到，就要攞到Commercial Pilot License (CPL)，係香港及國際上，如果你入唔到航空公司，基本上無可能攞到CPL。但有人會用超過一百萬去澳洲入飛行學校，受訓半年攞左CPL先，然後攞住個牌番香港考國泰港龍，因為有牌，兩間公司通常會請，但前提係你要出得起百幾萬去澳洲半年一take過考到牌先。
另一個方法係如本週之星所講，番大陸考航空公司，做兩三年攞左CPL先然後回流香港。但當然呢個方法機會亦唔大，你亦要長期係大陸生活。
如果你唔一定要做民航機師，考Private Pilot License (PPL) 已經可以渣小型飛機，當一項運動咁玩亦得。理論上你可以經香港飛行總會考PPL，但香港既PPL 非常難考，建議去美國或澳洲考左先番來轉本地牌會容易好多。另外，PPL 唔可以做民航機師，亦唔可以做其他靠渣飛機賺錢既工作，國泰港龍或飛行服務隊請人亦唔需要你有PPL，所以PPL 真係純粹係當興趣咁去考。
讀任何Degree 對考民航機師無甚幫助，因為根本就無民航Degree 呢回事，其他Degree 亦與渣飛機無關。不過，由於想做民航機師既人極多，有太多candidate本身Degree、Master，甚至其他無關既專業資格乜都有，國泰港龍或飛行服務隊考慮申請者時當然會考慮無論學歷及個人質素最top 既申請者先。所以講到尾，如果真係想做飛機師，讀多D書及鍛鍊好身體先係最重要。
