希望大家能幫忙分析一下, 當局者迷, 我可以怎樣做? [分手]?

文章有點長，請忍一下! 真心感謝!
我唔介意俾鬧, 我只係好想好想聽真心意見 ☹

我和他一起3年，最近他希望分手，我不想但不知道應否挽回，不想太卑微。

我是他初戀，他很白目但卻很純真。第一年我用盡全力地對他好，不懂下廚編織音樂的我通通為他學，為他作各樣的驚喜。 然而他一而再地因太白目，令我失望難過，但我很清楚他愛我的，只是他沒經驗不懂拍拖要怎麼 e.g. 我生日和節日正日他沒和我過 (有補祝，原因是他認為正日不是必須, 而且正日慶祝會是讓他父母猜到他拍拖，會阻止)。

第二年他慢慢地改善, 做好男友。我看到他努力和改善的, 但當然仍有做錯事令我難過，然而這時候的我卻因第一年付出太多而得到太少不忿，把他第二年錯的與第一年的不斷累積，所以當第二年做錯事，我不停舊事重提，提醒着我第一年付出所以他應該要對我更好，對他越來越高要求，他有配合的，即使係無理也好。（現在我知道我錯了）

到兩年半，他開始受不了我的要求， 加上佢轉左新工工作時間長咗，我明白佢好辛苦， 我都少左會發脾氣同要求。但即使我降低左要求， 反而佢多左發脾氣，但當我氹返佢，佢又會同我道歉話自己唔應該發脾氣，跟住又到我嬲點解係我氹佢，佢多數都會最後同我say sorry。（我知咁唔健康嘅關係好惡性巡環）

前日我哋係佢放工後出街，係一件小事上鬧交，係我錯，於是我哋鬧咗15分鐘后我認錯，即刻氹佢。 點知佢氹極都發我脾氣，於是我都嬲埋一份，但我冷靜後又繼續氹佢，嗰時已經凌晨一點幾，佢話佢唔嬲但真係比我搞到心情唔好，然後講咗一兩句我覺得係佢比說話我聽/鬧我，但佢話吾係。

其後佢送我返屋企, 我自己攞嚟衰咁撒嬌問佢可唔可以以後都唔好發我脾氣, 點解要鬧我/比說話我聽, 佢不停否認, 我不停堅持佢有, 最後佢忍唔住喺條街度超級超級大聲發脾氣大吼幾次"冇ah! 以後都唔會發脾氣, 以後都唔會鬧你得未!”

我比佢嚇親然係咁喊, 跟住佢氹我不停解釋話係發脾氣但唔係發我脾氣，佢只係發洩，同埋我唔肯聽佢講嘢咁佢只好大聲等我聽清楚。之後佢繼續氹我係咁喊，要佢走，佢半推半拉我上地鐵，成程都冇出過聲，到站後佢就話都係分手好啲，我求佢唔好, 我好cheap咁跪喺度say sorry, 佢好激動咁話求同喊都冇用, 問題一直都係度係時候面對現實, 唔想再互相傷害。我自己起返身攬住佢求佢唔好走, 然後佢都眼濕濕話唔分手, 佢都好唔捨得我。

佢送咗我返屋企樓下後, 佢腥左個訊息同我講佢要認真考慮, 覺得都係面對現實分手, 佢話係決定係唔係分手之前唔想見我, 唔想再感情用事, 想認真面對事實就係我哋已經磨合左三年, 都仲係不停互相傷害, 我要求好高係好辛苦, 佢又唔想我降低/佢唔信我可以降低我嘅要求。佢話如果今次真係分手, 佢以後都係唔會拍拖因為佢係一個唔適合同人一齊嘅人。 我覆咗佢一段我唔捨得佢, 我點都想同佢走落去嘅訊息, 然後佢就無覆我。

1. 我可以點樣做? 一方面我覺得我已經好cheap咁跪喺度(尤其今次其實事緣只係一件小事, 但我明白佢係累積以前一次過爆發)，同佢講好想同佢走落去，再繼續搵佢係咪太卑微？ 另一方面我又驚而家唔氹，到佢真係鐵了心冇機會，我知道佢以前忍左我好多, 我要求有時係太高逼佢太緊。

2. 其實佢係咪已經唔愛我, 只係可憐我跪先暫時話同返我一齊? (佢話佢心痛唔係可憐我)

3. 就算今次一齊返, 我做到自己咁卑微咁跪喺度, 係咪代表佢以後都唔會再珍惜我?

4. 有冇旁觀者可以同我講, 成件事到底係邊個錯? 我完全冷靜唔到客觀唔到 :(