懷疑保險欺詐,希望得到(了解保險行業嘅)法律人士解答?

[匿名]

2016-08-13 3:15 pm

04年10月本人喺一間保險公司買咗一份人壽同儲蓄保險(卓越[寫意生活]保障計劃55),供期為十三年,之後就用紅利同積存生息嚟供了,或者紅利同積存生息唔足以供嘅情況下,可能另外再補返唔足嗰部份款項.宜家8月,嚟緊10月就到期了.兩日前我致電該保險公司(由於十三年前同我簽保單個經紀己離職,我份保單己重新編制到另一經紀名下,因為我冇新經紀嘅電話,所以只能致電保險公司),得到嘅回覆,由如晴天霹靂,話我要供到2023年再嚟申請用紅利同積存生息嚟供.我愕然了,因為簽保時由始至終都冇人提及過要供至2023年同供至2023年後需要申請先至可以用紅利同積存生息嚟供,點解???突然間無啦啦要我供多七年,我諗及都唔明點解?於是我又再摷出當年的保單,同當年傾嗰陣時嘅簡介單張,沒錯,都係供十三年,網友們;請看(己清楚例明)附注6;根據以上紅利分配比例及積存利率,己累積及每年派發之紅利,將足以支付第十三年以後之保費.若紅利分配比例及/或積存利率有所變更,閣下或需支付額外款項,以維持保單之效力及價值.
另外,我每年供;13,109.60 每月;1,182.00 照理講13,109.60除返12個月當是每月該是;1,092.4666666667點解又搞個1,182.00出嚟呢?(一直自動轉賬沒有去理,係呢兩日我致電呢間保險公司,同我炸咗一個悶雷之後,才發覺唔妥)每月1,182.00*12個月=每年14,184 但保單上每年供款13,109.60 我用14,184-13,109.60咪每年都供多咗1,074.4 所以想知供多1,074.4係咪意思?
希望得到法律界人仕解答,我該點做? 好想得到你哋嘅意見.唔該曬!
拒絶一切保險推銷之回答,唔該曬!

回答 (1)

[匿名]

2016-08-13 5:21 pm

你好，本人姓張，你可以叫我做Isaac，係AXA安盛的理財顧問。因為眼見閣下的問題未必能令解答的法律人仕有所得益，在有機會沒有人作答的情況下我希望可以用多年在保險場上的經驗與你分享一下我的意見，希望你唔好介意，以下我會分開三個問題請你留意：
一：首先從最簡單的問題解答，點解月供保費乘以十二個月唔等於年供保費呢？
其實供款方法同保費有極大的關係。一般而言，年繳保費會比月繳保費一年平大約8-9%。所以如果計返<13109.6除(1182x12)x100=大約92%>在供款角度係合理的。
二：點解需要申請先可以用紅利同積存生息以作供款？
保單上一般會有個表比客人預想保單未來的價值，其中有分(保證/非保證/總價值)。如果你在某一保單年度選擇用紅利同積存生息以作供款，那年以後的總保單價值會比本來可見的價值減少。所以要客人作出一個(申請)的動作最主要係為左客戶方面的權益。
三：點解要無啦啦供多七年？
(若紅利分配比例及/或積存利率有所變更,閣下或需支付額外款項,以維持保單之效力及價值. )
因為紅利根本上屬於非保證，所以有機會係因為該保險公司在這十三年期間所發出的紅利未如理想，故現有的紅利及積存成份未足以繳付未繳之保費。
綜合三個問題，其實基本上問題出於當年保險代理的不專業，未能正確將保單內容清楚說明，甚至有機會出現欺詐性的動作。我曾經有客戶同閣下遇上一樣的問題，當我幫客戶跟進的時候因為已過了好一段時日，所以真係(口同鼻拗)，最後亦未能從其他保險公司中得到合理的答覆。他對事情的感想就是(最衰當初信錯人)。
希望我的意見幫到你。
如有需要，可以聯絡我
張紫峰
保險代理登記號碼：08186941
電話/what's app: 6773 1284
Email: [email protected]

👍 0 👎 0