第一次自由行,想問下交通方面既問題 Day1由機場去白濱酒店過一晚,第2日一早由白濱去難波既酒店，查過乘換案內車程如下: 由白濱站坐JR特急去天王寺站，再坐JR大和路快速去新今官站，坐南海高嘢線/南海線到難波站?

首先其實唔一定要咁轉兩次車
天王寺轉地鐵御堂筋線可以直達難波, 而且轉大和路線終點站其實係JR難波站

地鐵難波站同南海難波站相連
而JR難波站離南海/地鐵難波站大約有5-10分鐘距離, 同尖東/尖沙咀同中環/香港站一樣有地下通道連接

回正題
JR、南海、地鐵係唔同鐵路公司
所以轉地鐵/南海分別只可以買到天王寺/新今宮既車飛, 出站再買過地鐵/南海飛
但如果你轉大和路線一路到JR難波既話就唔駛再買過飛, 因為全程都只係搭JR
(你搭特急呢個case就要買白濱至天王寺/新今宮/JR難波乘車券+白濱至天王寺特急券)

南海高野線同南海線係唔同路線
但兩條都係難波開出, 難波至新今宮之間都係同路 (類似荃灣綫、觀塘綫太子至油麻地咁)



P. S. 會唔會考慮買5日關西廣域鐵路周遊券 (¥8500)?
你關西機場去白濱+白濱返大阪搭特急夾埋正常都接近¥9000, 買周遊券可以慳到少少
剩返嗰幾日更加可以用嚟搭去神戶、京都、奈良、環球影城甚至返機場

但缺點可能係要焗住搭JR大和路線出入難波, 並且唔搭得其他鐵路公司/地鐵
即使買咗呢個pass, 白濱返到大阪市區轉南海/地鐵都仲係要買第二程飛, 反而可以用pass一路搭到JR難波

https://www.westjr.co.jp/global/tc/ticket/pass/kansai_wide/