澳門酒店房間人數一問?

最近想一家人去澳門玩但從來未係澳門住過酒店所以有啲野想問下各位
我地總共8個大人但其中有3個未夠21歲
啲大人就諗住去賭場玩通宵而未夠21歲冇得入賭場嗰啲夜晚就會係酒店訓
我地打算租一間有4張雙人床嘅家庭房俾佢地訓（雖然係4張雙人床但係hotel.com睇到間房最多人數係4人）

問題就係到
其他人可能都會需要係入面梳洗沖涼或者第二日check out前休息下
另外因為8人中有6X歲的老人家亦怕佢地頂唔到通宵突然要返房訓

所以想問我地8人可唔可以只租一間家庭房定係一定要租2間？

本身租2間都冇問題但怕如果最後老人家都想一齊玩通宵就會浪費左一間
今次第一次一家大細一齊去玩想大家都玩得開心盡慶所以想問定先唔該哂大家！