如果遇上了這種樓下鄰居要點做好?

事緣是發生係09年，個年我媽用左一筆錢買左一個9樓某一單位。我媽本意係因為本身自己層樓太細，而我同妹妹又係學生哥，覺得無咩空間，所以想叫我同妹妹住一間。
但中途發生左d事，間屋空置左2年，直到11年左右我們終於搵夠錢去裝修間屋。點知，我地就咁同樓下發生衝突。。。
樓下女士A話我地層樓裝修令佢間屋[石屎剝落]，又自圓其說咁話我d裝修師傅答應會免費幫佢裝修。但係我地裝修師傅根本無同我地講有咁既事-_-跟住個位女士嘈到管理處個邊，要我地落去負責。然後唔知係邊到搵到我地手電號碼[我估係管理處俾]不斷打電話過黎要我地負責損失。我已經叫左佢搵驗樓師測試一下係咪真係我地間接影響，我地先會作出行動[因為無證據叫我點賠錢]。之後件事不了了之，事至今日，樓下女士A又打電話黎，話我地單位再引致佢石屎再度剝落。但問題係幾年來我一直無搵人裝修單位，而且半年前就因有蟲而噴上殺蟲水，根本無人住。
問題1:事情隔左咁耐，我洗唔洗再理佢
問題2:佢個單位有租俾人，但一直都話我唔負責幫佢維修，我要點做
問題3:最後我要點解決