屯門去深井麗城花園二期?

如果由青山公路沿線出發, 搭九巴53 ($8.7) 或往佐敦道紅色小巴 ($15-16) 到麗城花園三期落車, 後面就係麗城花園二期.
由屯門其他地區出發可以搭任何九巴M字尾線 ($8.4/$9.4) 到屯門公路轉車站, 轉53到麗城 (八達通有免費轉乘).
但53特別疏車, 一定要用九巴app睇時間, 即使青山公路沿線出發都建議有小巴就上.

如果唔想等53又唔介意俾多程車錢, 可以搭M字尾線到荃景圍天橋落車, 過對面轉34、34M、48X、934 ($3.8-$6.6) 到灣景花園總站, 總站出面對面馬路就係麗城二期.