香港有冇大學有獸醫系讀？

城市大學之前入過申請想搞獸醫課程，亦有報道指出學士課程會在2015年招生。
暫定course outline: http://www6.cityu.edu.hk/svm/en/Programmes/BVM.html
不過有D嘢要留意：
1. 之前課程申請過用公帑資助，但係都比大學教資會反對。有報紙報導過6年課程如果冇政府資助，學費要差不多200萬。FASP最多資助你每年$75,590（當$76,000學費）, 其餘一百幾萬要借錢或者自己比。你畢業後還唔還到咁多錢?
2. 醫護相關學位一定要有專業認可資格。例如獸醫就由獸醫管理局把關。獸醫管理局申請表有寫邊D學校課程係認可。就算城大向獸醫管理局申請，有冇信心可以過到審核？醫護學位申請唔一定成功。之前香港有間學校開護理副學士想申請護管局認可都唔過關。

另外一個方法，就係入讀港大生物醫學課程，讀完頭兩年課程後去愛丁堡大學讀首年獸醫課程，學分可以轉移，之後去港大讀埋最後一年，港大畢業後去愛丁堡大學讀第year 2-4大學課程。順利的話讀7年有兩個學位。但係學額最多只有10名，即係1/3年級學額，所以你成績同學分要夠要求。學費每年兩萬幾英鎊，但有最高額獎學金就只係俾大約$42,100港幣。（http://www.hku.hk/press/c_news_detail_10437.html）

係香港只有呢兩個方法，其他方法就要去外國讀。