如果由青衣長發邨出發應該點搭車去灣仔皇后大道東43-59號東美中心同埋上環德輔道西410號太平洋廣場呀?? 請各位爸絲打指點迷津啊！?

去東美中心就行去青衣站搭地鐵去金鐘 ($13.8), 從F出口經太古廣場穿返出地面, 沿金鐘道向灣仔方向行, 右轉皇后大道東一陣就到, 步程約10分鐘.
平日早上亦可於長安巴士總站搭948/948P ($16) 到盧押道落車, 沿分域街行入皇后大道東過對面就到.
不過朝早嚟講都係搭地鐵穩陣.

去太平洋廣場則同樣行去青衣站, 搭地鐵去香港大學 ($13.8), 從B2出口沿山道行落德輔道西路口, 右面就係.

長發商場裡面有地鐵特惠站, 拍特惠站搭地鐵可以慳$2.
另外去金鐘經香港站/中環站其實同荔景站轉車時間差唔多, 因為香港站要行...但去香港大學都係建議香港站轉.