如果下午6點下班, 想問下屯門龍門居到紅磡理工大學, 搭咩車會最快到, 同搭幾耐??大概會幾點到?

可搭港鐵巴士506去到屯門站, 然後再轉西鐵到紅磡 (用八達通兩程合共$20.6), 從A1或者D1出口均有行人天橋到理工大學.
506車程約10-15分鐘 (預多10分鐘左右等車), 西鐵預埋等車全程約45分鐘.

另一個方法係搭九巴59M/59X到屯門公路轉車站, 轉乘260X到理工大學門口落車 (用八達通兩程合共$15.1).
59M/59X連等車到轉車站約20分鐘, 但260X所經過既高鐵地盤、尖沙咀放工時間都好塞, 所需時間可能接近一個鐘.

所以呢個時間比較建議搭西鐵.