幾個股票買賣簡單問題 10pts

我唔明你真正想問既野係咩.

1. 你想買388,正常係指買入實貨,每手咁買,買入價唔一定係"現在既市價",因為你可能選擇掛低小小入,咁掛到幾多就睇你咩戶口,普通譬如可以低20格,咁最低只可以係咁,譬如我個戶口可以低100格,咁我就有可能著數過你,所以連帶答埋,"一通係咪一個好選擇?",係視乎你自己本身既需要,譬如你喜歡市價交易,咁掛幾高幾低根本就唔關你事.

2. 窩輪同實股係唔同,係一個權利而非義務,呢樣野有興趣可以買書睇,但我係唔保證你睇幾多本書就會明,亦唔係睇100本果個人,會比睇得1本果個更易獲利,明冇?

2015-08-06 12:24:43 補充：
我再試下咁講啦,買賣股票,就係要有一個價格係雙方同意先會有成交,而個價格係咪所謂一個市價,就要睇你落盤果一刻既真正價錢.

舉個例,你而家見到388係250蚊,咁主要有2個方式落盤,第一就係以市場價買入,好處就係多數一定買到,壞處可能係交易價格可能高於250蚊;第二就係以限盤價落盤,好處就係可以肯定用此價格買入,壞處就係未必買到,或者當市價低於250蚊果時,你仍然用緊250蚊接貨.

2015-08-06 12:30:47 補充：
咁好勒,如果講緊388,流通性咁大既股票,以上所講既問題不大,因為誤差唔會太多,但如果係買流通性低既股票,誤差係可以較大,譬如一隻成交低既股票,你眼見市價係1蚊,然後落市場價買入,咁個交易價好可能會變成1.05都唔奇,就係因為1蚊至1.04都冇賣盤,假設係限盤價係1蚊,情況就係買唔到,或者賣方肯調低價格.

而咩叫一格,就係交易價位每升或跌既價錢,譬如10蚊樓下,每格就係0.01;10蚊以上就係0.02;20蚊就0.05(呢個資料你自己再查證下,我大約記得係咁,而仙股同過100蚊,每格係幾多又係唔同).

2015-08-06 12:39:06 補充：
至於格數多少呢個問題,其實對你冇咩關係,我講小小啦,譬如我有一隻股票想沽,而該股票屬流通性低,我可以掛高去賣,博有人接;相反操作亦然,想買又會刻意掛低,博有人賣. 有時掛足半年都冇收穫都唔奇. 呢D野唔係經常可以用,譬如出現恐慌性沽貨既日子,能夠掛幾低就掛幾低去接,通常都係開市頭30分鐘有機會,之後股價就會回順,而之後再跌唔跌就係後話.

所以間接提醒埋你,如果大跌市一定要沽貨,都儘量捱多陣,多數都有個反彈位,果下沽就好D.

在理財的層面上，股票是中度風險的投資項目。
但是，連基本的股票認識都不足夠，對投資對象了解不多，卻進行買賣，這是危險的。
窩輪是槓桿化的金融產品，是一柄雙利刃，非一般的投資者能掌握的。
但是，無論如何，祝你好運。

Don't buy this and don't be crazy!!!

先多謝你既意見，我都想了解多小小先參與，請指教。