請教英國讀中小學問題？謝謝！

halo, 我係英國讀緊書, 希望幫到你丫=]

1) 應該待她讀完小六就去，還是提早一年去英國升中？ 或是待她讀完F.3 才出發？

>> 其實好睇幾個方面既, 第一就係有冇足夠既資金, 因為英國一年學費加食宿你要預25~30萬hkd, 如果去讀f.1 - f.7 加3年大學既話, 加埋既總支出會超過300萬, 當然, 呢個唔係一次過要你俾哂, 但係如果已經預計到資金可能唔夠既話, 咁就可能要考慮遲少少先過去. 第二就係睇下你想小朋友既中文程度如何, 有一d 家長, 佢地想小朋友, 中又得, 英又得, 如果太早過去, 咁就冇得再學中文, 身邊有朋友係小學4/5年級就過左英國, 而家讀完大學, 只係識講唔識讀/寫. 而我本身自己就讀完中三先去英國讀, 咁中文個底會好少少. 第三就要睇下小朋友想唔想既同埋你自己點睇, 因為一出左去讀書, 就唔可以話讀讀下番hk, 個人出左去英國一段時間, 就覺得同屋企人既關係係遠左, 因為話哂唔係一齊住, 亦唔會成日講到電話, 見面亦唔多. 初頭同hk 亦有少少脫節左, 因為冇得睇hk 既新聞 (學校會block 網). 所以呢個亦要考慮. 我諗, 如果我小學6年級就過左英國既話, 可能同屋企人既關係係再遠少少了.

2) 應該入寄宿 / 私立 學校 ？

>> 我諗以上2樣野係差唔多, 估緊你可能係指公立定私立, 因為好多私立都會包寄宿. 我會揀私立寄宿, host family 都唔會要. 先講公立, 呢個一定要有英國passport 先讀到(唔係bno), 咁會比較難入, 而且唔包住, 會比較麻煩. 而公立就英國比較多, 而且入學冇話私立揀選既咁嚴謹, 有bully case 都唔出奇既, 試過係我中三果時(果時我都未出國), 有個同學去左英國讀書, 但讀左半年就番左黎hk 讀, 因為話公立學校bully 好嚴重:/ 可能只係個別例子, 但亦可作參考, 揀公立果時要好小心. 點解要宿舍而唔係host family 係因為宿舍可以同好多同學一齊住, 問功課果時會易d. 而同時寄宿係學校既一部分, 所以唔會太差, 但係host 可以有好有壞, host 唔好起上黎想換亦會難, 試過有朋友去住host, 要訓上下格床, 但學校黎睇果時, 佢地收起左張床!! 令到學校以為host 俾到好既學習環境, 咁當然, 呢個亦係個別情況, 揀時要特別小心.

3) 哪個城市此較多學校？

>> 其實個個地方都有好多學校, 因為唔同hk, 應該先揀左你想要咩地區(如倫敦, scotland, 中部), 之後再揀學校. 英國有太多學校了(多過一千間), 亦冇分band 幾band 幾咁, 所以可以睇下你prefer 咩學校而同agent 講(如要男女校, 近中部, 少hk人等等).

希望幫到你丫, 有d咩可以再email我的=]