中銀開投資戶口問題

其實你只要加番個股票戶口就可以,咁你買股票果陣,就直接由儲蓄戶口扣數,但提提你,咁樣d數都幾亂,當然你心水清就冇問題.

投資金額就冇最低要求,主要睇你買既股票一手係幾錢,印象中有d幾舊水就買到一手,譬如前股王330思捷環球,貴既過10萬一手都有,譬如16新鴻基地產.

手續費最低就係$100,或者係交易金額既0.25%,譬如你買幾萬銀黎講,你預大約係280蚊,包括埋其他費用(實際我真係唔知,但你開戶後會有收費表比你,到時你就好清楚),另外仲有存倉費,代收股息/股票既費用.

ps:佢地係以交易金額去作級別計算,金額愈大,手續費就愈低,譬如你幾萬蚊,在不停買賣下,一個月過百萬交易金額都唔奇,就係計呢個數.

2015-07-27 23:09:45 補充：
1萬蚊係指存款,定係股票市值先?

我就可以唔太肯定咁答你,假設你個儲蓄戶口有1萬元以上,而冇任何股票,應該係唔需要收錢,而你就算有幾百蚊市值既股票都好,都要收存倉費$150蚊,咁又係果句,如果你個倉有咁上下規模,存倉費係免收.

又係果句,你開完戶就有個收費表比你,寫得好清楚,所以你呢堆問題其實唔需要太操心,一般你預一買一賣既成本大約係300蚊,存倉$150(係計全部,唔係每隻計),代收股息/紅股30蚊,收紙月結單好似都要廿蚊一年,係咁上下啦~