家居錄音器材一問

錄音器材是次要,
最重要是環境夠靜.
如果環境夠靜, 用電腦錄都錄得吾錯, 當然有更靚的mic, 加mixer會再靚聲d

首先我想講的是，這個世界是沒有買機送技術的。
你買部超級相機唔等於即刻識影相，買個最靚的結他，唔識彈始終係唔識彈！
錄音也一樣，唔係話買幾舊野返來就錄得靚，好多野要學的！
你自己都問 "同就咁用mic錄音有咩分別?" 答案是，無分別。
你聽既歌，邊隻唔係用咪錄的？但是，大字上高加個小圈係畫一個人，"蒙拿麗沙的微笑" 又係畫左一個人，咪就係呢D分別囉。
我可以介紹下錄音的常識，其他野你慢慢學，呢D野要一步一步黎。
1 隔音：第一件事要隔音，除非你想錄埋樓下車聲，隔壁BB喊聲。
2 收音：用Mic囉！
咪有好多種，基本上係兩大類：Dynamic / Condenser。
Condenser Mic 勁靈敏，吞口水聲都可以錄埋，吊落黎，歌手聽住耳筒唱，前面仲有塊網就係 Condenser 咪。
Dynamic 無咁靈敏，用手拿住，唱現場的多數是 Dynamic Mic。
如果隔音做得不夠好，咁用 Dynamic Mic來錄效果可能更好，因為雜聲較少。
3音效：最常見的是回音，你唱K都應該會去調下個 echo 掣加減D回音。
其他音效有不同效果 (hall, room, chorous, etc)。你去條街度唱，與你在房間內唱，D聲有好大分別的。如果你住大廈，可以去樓梯間試下唱，聽下個分別。你平時聽歌，歌手把聲全部都用了音效，甚至幾個不同音效疊加在一起出來的。
(音效可以開著音效機來錄，又或者錄完之後再用電腦整都得。)
4 EQ：人聲的高中低音可以加加減減，整到滿意為止。
5 混音：人聲同音樂要疊埋, 要平衡，不能邊大邊細。
6 後制：錄好混好後，再來平衡一下，這步真係專業人士加專業器材先攪得掂。不過如果你前面幾步做得好，後制求求其其都無所謂，你又唔係專業既。
第一步，去下載個免費軟件 Audacity 先啦。求其咩 mic，總之插得入你部電腦又錄得到聲都得架啦。
學下點錄音，點調音效，EQ。再將人聲與音樂聲疊埋，平衡一下，咪攪掂一隻囉。
錄多幾隻，自己聽返，吓！點解人地好聽D呢？咁你就要分析下人地好聽在邊度，多聽多比較多上網學野。噢！原來佢用左個XXX音效器囉，咁到時你自然知道要買D咩器材。
我前面講果D，基本上一毫子都唔洗用你。邊學邊用邊玩邊錄。
慢慢來吧，不可能一步登天的。

用你手機錄都得，錄完即上youtube , 即知好醜，一個仙都唔使，好好善用你手機呀！