學左9年琴,一級都未考過

娛樂

如果將彈琴定為以後的工作，前途，那難免會怯場，因為壓力實在太大。
但是如果將彈琴當成是純粹自己的興趣，人在興趣面前是充滿熱情，相當輕鬆的，所以往往表現會很出色，而且沒有壓力，不會太多的想法。建議你試試轉變下自己對彈琴的定位吧。

三分鐘熱度？9年內中途有無停學？會否每次重新pick up 而浪費時間？樂理fail? 本身同做卷答題技巧有關。放心啦，我也三鐘熱度，還不是part time 教琴(私人/琴行十幾年 :)建議你問問你老師為什麼會比較好

我和你差不多,大概由7歲開始學到11歲,之後感到沒興趣就停左!

想係人地面前彈可以冇甩:

1.多練習

2.多啲係人地面前彈
(其實係每個人第一次係人地面前表演都會驚既,但係其實習慣左之後就冇野架啦)

3.搵啲親友睇/聽完你既表演後,對你既表演提出意見


大個做part-time教琴:

1.建議你一開始教一啲你識既人先,咁如果教得唔太好可以叫佢話你知再改善
有經驗之後再去教一啲唔識既人,即係真正做part time

2.可以參考一下依加教緊你既老師點教,同埋你自己本身都係一個學生,所以你自己本身可以好明白到底一個學生想要一個點樣既老師

希望可以幫到你 : )

怯場?
緊張，你係屋企最多咪你屋企人聽，但出到去有好多唔識既人聽你演奏，有ｓｔａｇｅ　ｆｒｉｇｈｔ係一件好正常既事！我ｇｒａｄｅ５琴試果陣，雖然事前準備充足，但正式琴試果陣就勁緊張，出哂手汗，搞到我不斷手滑彈錯音！我以為自己果次成績一定唔掂，結果都有ｄｉｓｔｉｎｃｔｉｏｎ既成績！至於咩係ｄｉｓｔｉｎｃｔｉｏｎ，你自己查下咩意思啦！所以有甩漏唔一定話彈得差，緊張都可以有甩漏
我覺得係人地面前演奏前第一，就深呼吸，放鬆成個人，自然冇咁緊張，第二就係要投入個音樂既情感，容入音樂個節拍，自然你唔會注意到身邊有人架啦


ｐｔ教琴？
如果你係琴行教琴，冇８級係唔會請，更何況依家８級通街都係，有ｄ大型琴行（ｅｇ柏斯），ｅｖｅｎ唔會請８級，至少要有ａｔｃｌ／ｄｉｐａｂｒｓｍ（演奏級）先會諗請唔請你，所以如果你想係琴行教，我覺得有左演奏文憑既話，競爭力都大ｄ
既然你話自己自細就學左９年琴，我諗你應該都有番一定基礎，你可以嘗試探索下８級ｅｖｅｎ演奏級既歌，如果自己能力，時間許可，都可以試下囉番個ｃｅｒｔ番泥

首先我想同你講，甩漏人人都會，無需要太過著緊少少甩漏。
其實只要你唔係彈彈下停左落黎或者彈了勁撞的和弦例如 C major 彈了F＃minor，絕大多數聽眾是聽不出來的。
你要學習如何去掩飾自己的錯處。
舉個例，當你無信心彈個 Cmajor7 和弦時，偷雞左手只彈個根音C，右手只要有按 B，出來的效果，一般聽眾根本就唔會知道你偷左雞。不到一秒鐘, 反應過來時都已經去了三個 bar 啦！
但話說回來，想掩飾得好，也不是件容易的事。樂理同基本功缺一不可。
所有音階，arpeggios , 都要做到諗都唔洗諗就彈到。
樂理也要好好學。否則就會像武俠小說中，只會招式，但少了運功心法，苦練一輩子都只是花架子。
教琴：
做醫生要考牌，做教車師傅要考牌，呢D都係政府法律規定。但教琴係無規定的！
如果你要去琴行教，佢地會要求呢樣果樣，無他既，學生家長問到，唔通話個老師未考過級咩！
但如果是私人教，由一個學生開始，人傳人，靠口碑介紹，只要你教得好，絕對是可行的。
我個人經驗，自己跟過五個老師，全部是音樂學院畢業。但我學得最多野的，反而是第六個。佢乜證書都無，但我地成班人都叫佢做師傅。

你要教琴既話就一定要起碼8級鋼琴同5級樂理，建議你考三級→五級→五級樂理→七級→八級
同埋唔好淨係彈流行曲，流行曲嚟嚟去去都係果d skills，要彈多d古典樂曲。
其實你學左9年琴我唔覺得你係三分鐘熱度����

彈琴係興趣自娛，考唔考試亦係個人喜好，如果你唔係諗住做幼師，冇必要考試，無人有興趣知你識唔識彈琴，事實上好多人都識。