✔ 最佳答案
就咁既,大約原理就係,如果直接抽到,首日上到107呢d位,我就一定放,因為轉個手就執錢,梗係ok啦.
咁如果104買又點呢?首先要注意,你唔好諗住係收1年息,係要收足3年直至到期,原因就係,後期既成交量係好低或者根本冇人會接,就算有,都係壓價收貨.
另外最少1%息,冇錯. 從投資角度,其實係冇價值可言,因為係跟通漲,原則上做一個投資,就係希望跑贏通漲,或者係跑贏大市(恆指),而ibond只係得一個情況會叫做贏,就係出現通縮,因為包底果1%幫左手.
最後注意機會成本既問題,譬如你反正d錢都係訓係銀行,咁機會成本就低;但如果你有投資股票既機會損失,咁機會成本就高好多.
2015-07-21 13:16:04 補充:
同埋最後一定要知道,債卷既風險就係來自發行人違約,即係我地既香港政府無力支付,咁當然緊係低啦,但數學上係唔會用100%無風險去表達.
2015-07-21 17:36:06 補充:
朋友,你自己問"如果104元在市場上買入IBOND來收息,是否值得?"
但似乎你亦有既定立場,咁仲何以多此一問呢?
唔通大家可以拗,做生意好定打工好咩???
係市場上,有人買有人賣就係市價,亦反映出有人睇好,亦有人唔睇好,否則何來成交?
但客觀既事實係不變,譬如ibond從來都只係講保本,對抗通漲,命中註定係唔會跑贏就係客觀事實,亦正如買指數基金,唔會跑輸大市,但同樣係贏唔到,只有個別時間會出現市場錯價,不過呢樣係呢一個話題.
你掉番轉頭講,話股票反而仲令人輸錢,係咪講黎哂氣,我夠可以話,買股蝕左都仲可以死坐收息,好過去澳門輸哂啦.
你係完全錯誤類比.