想開小型店舖, 問關於裝修及傢俱

提提你啦,手錶櫃件玻璃同射燈要用特制級別,因為件玻璃既折射唔得,d錶睇落去就唔得,另外長期曬燈,d貨會變色,注意下.

做個咁既貴其實唔會貴到你應付唔到,如果你門面做得唔好,生意唔得,蝕租都蝕死你.

2015-07-17 13:38:10 補充：
根本做野唔係講平貴,而係講有冇價值.

2015-07-18 23:52:46 補充：
咩叫創業?

創業係指,自己未來下半生都將會投身既行業,而唔係見做咩好搵就走去做,果D叫搵快錢,所以創業精神係要有作長期失敗既計劃,經過不斷修正而搵出一條路.

即係話,假如你搵到一門生意係全世界都唔睇好既話,咁你今次真係發達,因為你好大機會可以點石成金,否則就只係搵兩餐.

講幾句題外話,錶同電話.

錶,我對佢係有感情,電話就冇.

首次創業就唔好選呢行,冇咩人會買因為智能手機的普及,唔好怕辛苦你實際去地鐵站和時間郎企一日,留意下有幾多人係會帶手錶和一日裡面有幾多人入表鋪睇錶?

做生意要講數據,越多越穏陣, 你定的TARGET MARKET又係邊一個社群?
定價又係邊個RANGE? 貴的勞力士那種,人地會去大行買, BABY G那種會去時間郎買, 比卡超那種會去花園街買, 仲有市塲空間的就是手繪,韓式錶,但RANGE又太小年紀只去到少女,大媽級又唔會買, 細路女又唔會買, 男人又唔會買。

謝謝Tai Man師兄的意見, 因為本人首次創業, 所以想知多d, 請問有冇裝修好介紹? 謝謝!

2015-07-19 01:46:08 補充：
多謝以上師兄們的意見. 相信每個人都有自己既嗜好同興趣, 不過我自己又覺得, 手提電話普通人最多會有兩部, 工作上需要就冇得講啦. 但手錶, 有D人真係會不止兩隻, 有D買黎襯衫, 有D買黎收藏, 亦有D可能行過見到靚買. 雖然我的客路唔係咩名牌, 但應該都有某個層面既市場, 唔會發達, 但可能可以搵兩餐. 我都知競爭好大, 但有競爭先有進步嘛. 而且, 創業同投資係冇分別, 風險一定有. 亦會有心理準備. 但人要有信心, 正面的.
Anyway, 多謝各位意見, 我會接收並檢討, 謝謝

不必裝修，不必家私，將所貨品掛滿三面牆就可以。