2015香港寵物美容入行途徑

回樓主：
坊間有好多地方都有提供寵物美容課程，當然拎左牌聘請既機率係會高Ｄ，但係若果你要講認受性高，絕對唔會係香港，因為香港既寵物美容師牌係全球國際最低等，連香港寵物店既僱主都唔會認可，除非佢係一個絕對好人，肯俾機會你。

普通既寵物美容課程冇乜用，直接報一Ｄ會幫你考埋Ｃ牌既中心，學完之後就會發牌俾你。

我就唔太認同上面所講啦，可能香港認受性未必係最高，但係唔代表香港既僱主都唔接受。

好似我之前讀個間學校，為您專業寵物美容師訓練中心，已經開左廿幾年，係第一批寵物美容學校，好多學生都開左寵物店 / 學校。

我個陣時去學，有啲學生未畢業都已經比行家order左做part time ，一畢業就full time 。有啲就自己出去搵工，但都ok左，好快做左師傅。

所以我覺得唔好講到香港既証書禁差，我又唔信全香港既美容師都係拿住國際牌出黎做，以我所知，外國既牌除左貴（有啲講緊10幾萬），仲有好多係講理論既居多，實戰經驗少，咁未入係對寵物美容師最好既課程，但當然，個名響啲勁啲就真係事實，睇你需要啲乜。

至於答返樓主既問題，一般寵物美容師都要有 c b 証書先做師傅，如果只係c，或者連c都無，就只係做學徒居多。
學徒意思係返工洗狗吹狗，剪下指甲，吸下塵之類，剪刀都未必有得拿。
去到b 一開始都會要你先做c既野，但之後上手後有機會就會升師傅做剪裝，當然會間唔同。
A就當然最勁啦～人工高「福利好」，唔洗點做啲辛苦野，主力剪。

一般都應該係跟學校學係最好既，坊間一啲類似政府課程，有啲同學都係讀完再過黎，原因係因為學野唔多，同埋認受性唔高搵唔倒工，最後都係再讀正統課程，但我無讀過只係聽轉過黎讀既同學講。

香港如果你做學徒，一般市價一定唔高，大概30幾蚊一個鐘only，做倒上去又唔同（但c會轉做師傅機會唔大），我聽出左去做既同學講，佢間野請師傅，22000蚊。但都係個句，間間唔同，要搵岩好店做，有野學，有錢收係最好的。

希望幫倒你。

做寵物美容無需經驗，無需學歷，你見到請人，就入去自薦喇，最緊要你可以帶客過檔，咁你叫價就可以高。