感覺好奇怪

✔ 最佳答案

首先想問你, 你幾多歲........ 感覺中1, 2, 3? 我個人唔建議中學生拍拖既人.....but anyway.......以下係我既意見

就有d sad, <-- 因為你有期望得到一樣既互動, 而家無, 所以 sad

因為我本身係被動個隻，次次要有第2個係度，佢先會同我傾到計。 <-- 被動既人比較難打開話題, 你可以慣性同佢 HI & Bye, 令佢易的 approach 你, 而你都少左平時既尷尬

有時佢對我好d，我會覺得佢係咪都鍾意我，但好似唔係咁。 <-- 平常對答, 有咩所謂好唔好~

我見佢對其他人唔係咁，對我至係。 <-- 你想多左

比如有時得我們2個人，問佢野，佢又囗窒窒咁，有時佢好開心同我講野，我又黎唔切反應，即係我們好難有互動咁。 <-- 每個人都想同人溝通, 佢見機會難得, 自己想傾, 但平時無交流, 自然唔知點講點反應好, 所以, 平時基本既 Hi & Bye 係非常重要既

我想同佢有正常的溝通，點先可以做到？ <-- 除非平時既 Hi & Bye, 試下有功課唔明就問佢, 又或者如果發現佢參加緊咩比賽, 就講加油, 可以既就問多幾句. "追問" 就係連接話題既技巧之一, 如果講到一的封閉性話題 (即係答案係 yes or no, 而無解釋果的), 就好易 dead air.

我覺得係大家有好感，但性格完全唔同的人。 <-- 唔同又點? 若要人似我, 子非兩個我, 基本出,. 除左你自己之外, 其他人都同你完全唔同~ 就算將來你拍拖, 結婚 (maybe same person or not) 唔同性格既人要點相處, 係必須要學既事

我係個d唔識嗲的女仔，明明想人地幫手，都唔會出聲個隻， <-- 如果你個人可以 handle 到, 唔需要出聲, 否則, 要人幫手係溝通既技巧之一

人地同我講野淨系識笑，我覺得咁樣唔會吸引到男仔，<-- 錯, 我就係其中一個鐘意女仔係咁既人

但聽d人講，有幾個男仔話我得意想追我，但冇人行動過，究竟係米玩下我炸? <-- maybe or may not be, 重點係, 當男仔想追你, 都要有位入, 而你既表現, 自己可能覺得平易近人, 但對方可能覺得唔知點同你傾計呢? 所以平時笑, hi & bye, 追問, 係非常重要既技巧

* 係度講少少咩係封閉式話題同可以追問既話題
1) 封閉式話題: 你係男定女? 對方答完, 就發展唔到話題落去, 因為跟住問, 可能會令人產生誤會定唔知點問.

2) 追問式話題 : 你今日著到好 sporty 喎, 去練習? 係? 練習咩運動? 啊, 係藍球, 咁你打咩位呀? 啊, 咁勁, 幾時有比賽? 啊, 原來你咁鐘意藍球, 咁重有咩運動係鐘意既? 係? 星期6會去踩單車? 我都鐘意喎, 有咩人去, 我可唔可以去......... 下刪 10000 句.......

被動既女人一向有心理障礙, 係覺得如果太 active, 會比人感覺好濫, 好隨便, 但要注意, 被動既人一樣要有社交, 只需要將自己稍為開放小小, 令到對方知道自己係願意交流, 而對當方真係同你交流, 你又表達到友善既, 就會習慣同改善情況好多.

回答 (2)