有關登記護士 註冊護士 問題

http://www3.ha.org.hk/nurse/nursing/haennursing_1516.htm




圖片參考：https://s.yimg.com/lo/api/res/1.2//YXBwaWQ9dHdhbnN3ZXJzO3E9ODU-/http://www3.ha.org.hk/nurse/nursing/images/halogo1_v.gif

以下課程現已公開招生: 醫院管理局登記護士(普通科)訓練課程2015 - 16

課程為兩年全日制訓練課程，完成課程及考試合格後，學生將符合資格向香港護士管理局申請登記為登記護士(普通科)。課程結構和修讀模式
圖片參考：https://s.yimg.com/lo/api/res/1.2//YXBwaWQ9dHdhbnN3ZXJzO3E9ODU-/http://www3.ha.org.hk/nurse/nursing/images/ball_0.gif
申請者如欲報讀本課程，必須符合下列資格：(a) 於訓練課程開始時已年滿18歲；及(b) (i) 適用於持有香港中學會考成績之申請者修畢中五課程，或具備同等學歷；或(ii) 適用於持有香港中學文憑考試成績之申請者取得五科成績達第二級或以上：包括中國語文、英國語文、數學，及甲類科目(核心/選修科目)及乙類科目(應用學習科目)其中任何兩科，或具備同等學歷；以及[註：就本訓練課程的報讀資格而言，醫院管理局可按申請者遞交的證明文件，決定是否接受證明文件內所述的學歷等同或高於報讀資格(b)項所規定的要求。](c) 操流利廣東話，並能書寫流暢的中、英文。

東華評價一般，有D人話學生出ward表現比較差。OU有人讚學生唔俾其他大學差，亦有人話出ward表現差。就算名校亦不代表質素好，最緊要肯唔肯用心做，係唔係尊重份工，肯唔肯出ward前做下功課。

香港讀嘅nursing degree，唔只係中大理大港大公大，係護管局認可嘅，讀完都係RN。HA高級文憑，明愛degree，東華degree都係護管局認可。

社署上年已經冇招生，將來收唔收仍然未知數。

hkuspace 個HD 2014年先開，去大型討論區冇乜人講下課程質素。

明愛好似今年新開，質素如何無人知。

醫院開嘅課程，除醫管局高級文憑課程外，其他都係登記護士課程。

今時今日護士課程競爭激烈時候，單單HA同養和上年幾千人爭一百幾個位。除非你手執幾個offer，否則唔到你揀，建議你全部試晒。

EN想轉RN，快嘅可以讀conversion，HKU SPACE可以3年讀完，課程又係護管局認可。

另外一個不明朗因素，就係香港醫院能否收晒全數登記及註冊護士畢業生。2010年護士最人手唔夠時一樣有人no offer，有討論區話今年特別嚴重。今時今日咁多院校開班，讀完幾年市場對護士需求係點，無人知，但事實你讀完唔一定有醫院請你。

2015-07-06 21:59:12 補充：
講返你成績，如果你英文好+理科生，申請上會比較著數。例如東華優先考慮英文4級或以上申請者，公大將理科列為prefer subject。有D護校只會in英文三級或以上學生。19-20其實到達護校同部份大學平均數，全部都試下。

點解我建議你全部都試，就係因為你報咗唔一定會收你。有個人分享自己經歷，DSE 15-17分，英文2級，讀兩科理科，有急救牌，全部護校報晒得間仁安叫佢面試但唔收。之後再讀相關課程，今年報OU得咗。

以 DSE 得 19、20分成積，是末能符合各大學、OU、東華、醫管局等的註冊護士課程報名資格的；

唯一選擇是報讀東華、各私家醫院和社署的登記護士課程兩年制課程；

登記護士晉升為註冊護士的路是很漫長的；先完成兩年制登記為護士課程，再實習滿 3 年後，在職公餘時間兼讀公大「護理系高級文憑課程」，並要在 3 年半內考獲 90學分，方可晉升為註冊護士，最快需要約 8 年時間。