洗照片之前要做什麼事嗎

普通曬相的話.請先上網找出將會輸出相片的比例,例如4R是3:2.對比手頭上照片的比例,如果比例不符,例如手機係16:9.咁就要決定由得相片留有白邊以保留整張相或者做剪裁令兩者相配合.剪裁的話自己做最好.由得曬相店自動幫你搞好大機會唔啱你心水,雖多數不致於裁去半邊頭(聽聞都有人試過),最大可能係全部都對稱裁就算.另外解像度最好有每吋300點.例如4R是6吋x4吋,解像度最好不小於1800x1200.差小小冇所謂,例如每吋150點應該都可以接受,但如果真係要曬到好大就最好自行用電腦插值加大解像度,雖然虛構的像素唔會令張相清咗,但可以避免起格.另外如果唔事先聲明,曬相店有機會自行幫你執相,通常係調光暗,白平衡,加銳利度等等.看似好方便,影得唔好都唔怕,實情係可以好恐佈,我試過搞到成批相唔要得,全部超高飽和度同銳利度,起晒白邊.以後都只會聲明直出,唔好搞我啲相.但直出也有機會同屋企睇差好遠,相多的話我會先曬幾張睇吓效果,然後執翻啲相就佢直出效果,係就係麻煩啲,但唔會俾佢執到鬼五馬六.媒體方面,最方便係先過相去電腦再用USB手指去曬,一來唔駛即場用電話過,二來有時電話未必認得到.

店內有讀卡器和電腦，插入記憶卡後可以使用自助程式幫你選擇照片選擇相片大小
有困難可以找店員幫你

一般都有最低消費，十張以上

什麼是洗照片？你想如何洗？形容清楚一點。