台北住邊好..

特別推介台北車站旁天成飯店，台北車站係交通總匯，你去邊度都會轉少一程車，搭高鐵到高雄，搭台鐵到台東，搭地鐵到淡水，飯店雖是三星級，但特多日本大媽入住，較受歡迎。

2015-07-01 19:34:40 補充：
天成飯店有豐富自助早餐，但要睇你訂房價錢，如果係旅行社套票就有可能唔包早餐，你問清楚，當然你可以俾錢食，貴啲咁解，仲有訂房指定要兩張單人床，間房會大一啲。

從來唔推介任何人住青年旅舍。關於旅行住酒店，好多人有一個好嚴重既錯覺，就係覺得酒店一定非常貴，間間都好似半島或四季咁誇張。實情係全世界所有地方既酒店無論級數、服務、收費，以至服務對象及格調均各有不同，平貴任君選擇。年輕人出門遠行，住二、三星級酒店即可。呢類酒店雖然外表樸素，但房間內籠一定四正，最緊要係唔駛同陌生人分享生活空間及安全地放置貴重物品及行李，呢類野青年旅舍絕對無得同酒店比。

台北既酒店非常方便，如果第一次去，住係台北車站附近係最方便。如樓上有人提到，台北車站係台北市陸路交通總樞紐，去邊都係最方便。難得台北車站附近，包埋西門町旺得來，酒店房租亦普遍唔貴，樓主兩個女仔揀一間平D既酒店住，兩個人share 房租絕對唔貴。而且台灣消費平，若房租已經夠平，咁你實在唔駛好多錢就可以好輕鬆係台北玩幾日。

多數人都會住西門町戈頭
晚上又多野食又多野行,又算方便
仲有好多旅館,都算幾乾淨