台灣自由行

台北萬華區係最旺交通最方便既區，任何人如果酒店住係台北市區，往返機場搭國光號巴士係最好選擇，根本唔駛唸其他途徑。落機後臨出機場就係國光號售票處及候車大堂，架車唔停中途站，直接係台北車站落客。台北車站係台北所有交通既總樞紐，搭車去邊度都得，萬華區係台北車站附近，搭地鐵一、兩個站係西門町落車應該就搵到。

我覺得西門町其實唔係咁多好野食，反而係以買野為主。想食有特色既野要去士林夜市。要講既係好多年輕朋友以為士林夜市近士林站，呢個係錯到不得了，舊士林夜市係正劍潭站對面，即使係依家新既都係近劍潭站多D，由士林站出絕對行死你。

另外搭地鐵去到淡水站亦有多野食既夜市。淡水最出名係日落，附近既漁人碼頭亦好靚，又有野食。如果想再體驗夜市，華西街及師大夜市都會幾好行。

講到玩，台北市內其實靚地方唔多。如果第一次去，中正紀念堂及故宮博物館值得一遊，我反而想推介幾個離開大台北既靚地方。野柳有好特別既地質公園，係台北車站搭巴士就可以去到。好多人會搭車去烏來浸溫泉，但其實嗰度有條好靚瀑布，附近亦山明水秀，同樣係台北車站搭巴士就去到。九份又係好靚，呢個山腰小鎮對住大海，天氣好既時候絕對令人樂而忘返，而個小鎮又好悠閒feel，我試過係當地一間餐廳既二樓，對住個海，吹住海風飲野，嗰種寫意實在係快活過神仙。要去九份就要係台北車站搭自強號去瑞芳站落車，然後轉巴士上山。要記住一定要買劃位飛，否則就要企足個幾鐘。

又係如果第一次去，到台灣大學行下都唔錯，嗰度幾古式古香，中間既林蔭大道係好天時非常靚。另外亦可以上101大樓。唔知點解好多人好抗拒上去，我上左去兩次都覺得台北夜景幾靚，不過佢既門票的確有D貴，樓主可以唸唸。

2015-06-22 11:16:46 補充：
補充下，台灣既插蘇係兩腳，你需要去旅行社或電器舖買一兩個啱台灣用既插蘇，然後係上面加個萬能蘇，你就可以比唔同既電器叉電。

你做嘢次序亂哂大龍，你將來點生存？你要去台灣要有護照，有簽證，你要知道你去邊，去幾耐，你乜都冇準備就定你幾時去？咁係衰硬！