想改變自己應該點做好??

成件事係因為你冇自信、冇專長。我估你應該係讀書好一般而又冇咩外形的人，
首先，你要改變你的形象，如果你好肥，你應該要keep fit!
如果你好瘦，你要去健身增加肌肉!
如果你好多暗瘡，你應該要更加注意護膚!
其實唔係我外貌協會，只係你可以令自己睇落夠普通/charming
因為改變形象比起改變內涵同性格容易!
下一步，你要增值自己，點增值?唔係要你惡補自己短處，而係你要令自己的長處更突出!
好多人都會話自己根本冇長處!但係絕對唔會係咁，因為每個人的長處都唔同!
有d人好叻畫畫，有d人叻做模型，有d人勁講野，有d人叻識朋友，有d人勝在夠堅持......咩都可以係長處!!!
你只要搵到自己的長處，然後發展，你就會有自信，
我唔知你有幾堅持，會唔會係發展長處時被批評就走返入屋企，但係!如果真係咁，你人生就真正冇得救，因為你有個安定無憂的家會保護你。但係，唔該你居安思危!
有時你覺得自己一開口就錯，咁米講少d囉!你覺得自己成日做錯，咁米只做你份內事囉，份內事都做錯，要即刻改!望住人覺得緊張都係要出街見人架!接觸得多就唔會驚!
我同意樓上講，去工作假期啦! 識多d唔同人
你可以簡 愛爾蘭 !!! 因為當地冇咩華人!! 你冇得用你母語，又冇華人朋友有得靠! 最後你就要靠自己，咁一定會有進步! 同埋當地好靚，又有最低工資保障!
話時話，你中意廚的話，當地留學發展做廚幾好搵架~
你搵到長處，有目標，肯捱後來一定會成功，再者你一成功，仲會有咩人話你傻仔丫!
增值自己啦!

從你描述你家人都支持你, 大部份工都有親戚介紹; 而你也察覺問題, 已經有機會可以改變。

你所講既問題, 大部份都是源於你內心恐懼, 因而害怕面對人。 要消除你既恐懼需要深入了解成因才能徹底解決。

你嘗試吓當你需要買飛睇戲前, 慢慢深呼吸十吓, 將自己注意力專注在自己呼吸上, 當自己覺得平靜時才去買飛, 看看效果是否有改善。

你害怕面對面望, 好大可能都會害怕面對鏡看自已 ? 如果是, 你嘗試吓搵個安靜冇人騷擾既時間, 面對鏡練習一個親切既笑容。起初可能會不習慣, 愎愎將時間加長, 這樣可以幫助你敢於面對面望人。

咁咪幾好，唔使做都有飯食，唔使問你都係食屋企，住屋企。你有諗過改變係好事，因為你好日子唔會長久，唔使算命，你三十歲前後必定起變化，仲要係衰嗰隻。你要開始準備你PK的日子，隻身去旅行係最好磨鍊，話去旅行，但其實係捱世界，而家好HIT旅遊打工，試試去澳洲東岸行到西岸，一年半載你就鍊成大鐵人十八號。