想詢問有關現在完成式的問題

直接答左你先，完全無問題
而且e個情況用現在完成式係最適合 (當然背景資料唔多啦，唔係可能會係其他tense岩d)
其實tense既野唔係咁死板，因為佢係實在地被幾十億人用緊既語言黎，所以唔洗「太鑽牛角尖」話點樣點樣咁用岩唔岩之類，e d係病態既考試先需要
如果你想知多d就睇埋下面果大炸野啦，不過同題目無乜直接關係

我相信一般學校教現在完成式應該係話佢同簡單過去式既分別在於現在完成式強調「岩岩」E個時間點同埋「已經」既意味係咪?
不過除左咁理解之外，其實現在完成式仲有「果個動作既影響直到E家」既意思
例如 I ate an apple，好簡單，就係陳述我食左一個蘋果既事實，無乜其他意思
而 i have eaten an apple 就唔同
因為假設你岩岩食左個蘋果
然後有人問你 洗唔洗食個橙?
你就會用現在完成式，i have eaten an apple (already)黎答，意思係，我已經食左個蘋果啦，所以飽啦，唔洗再食其他野啦，對比起簡單過去式會多左d主觀暗示

另外就係其實一般用英文口頭上講野既時候，對於過去既事都係用現在完成式多過簡單過去式
因為簡單過去式就同上面講既一樣，比過偏向陳述事實
你中文同人講野都唔會講到好似d紀錄片或者新聞報道既旁白咁啦係咪?

Tom has( just) borrowed a book.
He has( already) borrowed a book.

Karen has left Tom( for) 40 sec.
Tom has lent the story book to GF (since) they were co-habit.