初戀＋異地戀一問（２０分）

我鍾意一個同班既男仔，個男仔鍾意我。
我係插班生，今年ｆ２，個男仔大約喺十月尾同我表白。但係問題就係，佢下年要去英國。
本身個男仔差唔多每個小息都會揾我傾兩句。但自從十一月尾，我地喺學校講野既次數愈來愈少，只停留喺ｗｈａｔｓａｐｐ既對話。我一直想改變呢個情況，但之後十二月開始，連ｗｈａｔｓａｐｐ既次數都愈來愈少。
我初初好少喺現實生活主動揾佢，但之後為左挽救段關係，我都嘗試主動揾佢，但佢都唔係好理我。
結果我真係忍唔住，十二月尾嗰時問佢係咪想分手，佢就話唔知，因為佢下年一定要走，想我做決定，又話佢去英國係為左我地兩個既將來。我就話好好地過埋餘下既時間，但佢都係唔理我。
嗰時就考試，好大壓力，加上我屋企同朋友都有啲間題，之後我就有大約一個星期係咁ｗｈａｔｓａｐｐ問佢。到左考試個兩個星期，我就冇再煩佢。考完試之後，我再問多佢一兩次，佢都係唔肯答。二月中，我就寫左封分手信比佢，主要都係講ｓｏｒｒｙ同埋多謝佢，佢亦都冇比回應。
結果去到四月，我發現原來我個ｆｒｉｅｎｄ有同個男仔ｆａｃｅｂｏｏｋ　ｉｎｂｏｘ過（佢地本身唔識）個男仔大約話仲鍾意我，但唔想佢走嗰時我太傷心，同埋只要見到我過得開心佢就開心。我決定再ｗｈａｔｓａｐｐ佢多一次，佢打左一篇野，主要話佢嗰時唔想ｈｕｒｔ我，同埋我阻住佢温書，所以就避我。之後佢發現同我分開後好似舒服啲，因為冇我管住佢唔鍾意佢且其他女仔講野，亦話我有啲自私。又話佢仲細，相信會揾到一個成熟，支持佢既女仔。佢又話但係咁唔代表佢唔鍾意我,i still love you but i cant。
到宜家六月，仲有一個月學期就完。。。。。。
我地已經半年冇講過，我感覺到佢平時都應該有望我，因為我啲朋友都係咁講。我仲係好唔拾得，每次諗起佢以前寫既信，話想做我既王子因為我係佢既公主，同埋講我地既將來，我都仍然好期待我地會有美好既結局。我自問從來沒要求過佢做啲乜，亦都體諒佢好忙，冇出過街，亦冇拖過手，所以其實都唔係好算拍拖。同埋我唔係唔比佢同甚他女仔講野，只係唔明點解佢理其他女仔都唔埋我。我之前煩左佢之後都好後悔。

我想問
１我係咪好自私，從來都冇顧佢感受？
２一個＂煩＂字係咪足以分開？
３佢話唔想ｈｕｒｔ我會唔會只係一個ｅｘｃｕｓｅ？
４如果佢下年唔洗走，我地既結果會唔會唔同？
５初戀係咪唔會有結果？
６我想等佢，值唔值？