如果electives ICT 開唔到班又好想讀 點算？

想問Tracy 妹妹，點解咁想讀ICT? 之前我提過不少次，中學ICT 科並非升讀大專電腦系既必要選修科，如果中學開唔到咪唔好讀囉，完全無問題既。

我認為 Tracy 你想問既係如果大學想讀電腦，之前想自修左先，可以點做? 首先我好高興你咁有心，其實要準備定先絕對好好多，你可以根據以下建議裝備自己。先買書學下基本既電腦知識，例如基本電腦硬件知識、MS Office 辦公室軟件、Photoshop 執相、Flash及Dreamweaver寫網頁等。

以上既野有D基礎之後就應該學寫程式。一開始怕難可以學寫Visual Basic 先，但其實可以一開始就學C 程式語言，學左兩三年之後就可以試下學Java，如果有呢D知識，已經夠應付大學既需要。

讀電腦點解剩係唸住UST? 香港既大學除左浸會、嶺外、教院及樹仁之外，其他幾間大學都有電腦系，而且歷史悠久，尤其是港大、中大既電腦系歷史最悠久，城大電腦系係本地亦非常有名，科大與之相比最多水準一樣，但唔會特別好得多。要留意既係大學入面與資訊科技相關既科目非常多，剩係純電腦已經分電腦科學(Computer Science)及電腦工程(Computer Engineering)兩大範疇，其他既相科系亦好多，樓主最好問下讀相關課程既師兄師姐攞更多資料。