✔ 最佳答案
1. 因為你大學唔係主修教育,所以你要讀番個教育文憑(PGDE)。有D學校(如中大, HKU)要求申請者大學主修學科須與申請之主修科目有直接關係。因為我唔知你讀乜工程,所以可以教乜我答唔到你。
有D老師讀系統工程與工程管理學,之後讀張主修電腦教育文憑,去學校教電腦及數學。
有老師讀電子工程,再讀個中學數學教育榮譽學士,教中學電腦及高中資訊與通訊科技科。
有D學校亦會有主修工程畢業生教數學。
2. 教書有心同識教係重要,但學術知識一樣重要。你去面試,校長見你想教個科,高考只係得D/E,你點遊說佢請你去教?有D學校有請高考DDE嘅人,就算請咗你,你連書入面example都唔識做,學生問嘢10問9唔識,學生點會睇得起你?有D學校係好現實,用學生公開試成績睇教師表現,你教個D學生成績差,就會炒你。
如果講重要性,我覺得識教重要過中學公開試成績。公開試成績好,教得唔好,校長唔會比好大信心你教高中。所謂識教並唔係只係拎住本書照讀,要識得掌握教學重點,學生聽得明,表達能力強。但可惜香港好多呃飯食既老師,只係識照住本書度,學生聽唔明,逼住補習。
所以你搵教職要逐間試,搵到間請你先算。
3. 香港教育專業人員協會同教聯會有得睇。