讀左兩年大學，都冇咩朋友

樓主何必要咁唸﹖邊個話讀大學一定要好似你所講咁“多姿多采”﹖我係呢度講過好多次，依家成個世界，包括香港，忘記左一樣好重要既野，就係大學係一間學校，先生教好書及學生讀好書先係唯二最重要既任務，其他事唔係咁重要。

樓主講得好清楚想快D畢業出來開展事業，既然咁唸，就梗係讀書及考試既時間佔最多，大學既課程一D都唔容易，唔係努力讀書點樣順利畢業﹖

無論讀大學定中學，身邊梗係有好多學校生活好似非常多姿多采既人，但其實樓主有無唸過所謂既多姿多采係乜意思﹖係多D時間上莊、拍拖、做兼職定其他唔係咁重要既事﹖樓主有無唸過嗰D同學用左咁多時間經營上述既副業，讀書成績是否好好﹖如果係學校讀書唔係為左讀好書及畢業，咁來學校hea 幾年是否咁值得﹖

老實講，無論係中學定大學，我身邊出現過好多呢類百足咁多爪既同學，但通常佢地成績真係麻麻地，要面對好多一般學生唔會面對既困難先畢到業，或者要升讀比預期差好多既大學學系，樓主是否想咁樣﹖我身邊一樣有好多同學讀書成績好好，但佢地全部都集中精力讀書，絕不活躍，最後升到好學系及一畢業就搵到好工既大有人在。

至於facebook 上面嗰D Hi - Bye friend 就算數啦，樓主唔係當真嘛！好多齊齊學習左幾年既同學，一畢業各散東西連見都無見過亦可以，最多係佢結婚既時候搵你去飲，跟住又失蹤，同樣又係大有人在。連日日見面既同學既交情之後都可以咁淡，求其都add 到既 friend 有幾緊要﹖樓主過一、兩年畢業後，睇下仲有邊個可以keep 住聯絡，呢D 先係真正既朋友。

樓主既大學生活可能係平淡左D，但所謂平淡是福，無驚無險畢業，跟住無驚無險發展事業先係王道，其他無謂野就由得佢啦。你唸下，依家你仲會唔會成日攞番中學D 無謂野逢人就講﹖如果唔會，大學入面同讀書無關既無謂野都係一樣，過幾年就完全唔重要，完全唔會有人提，到時生活壓力及事業發展先係你最關心既事。

可以試下上 www.goclasshk.com 睇下，識一D志同道合新朋友，又可以自我增值，學一D新skills

看到你問問題, 但回答期已過了, 如不介意, 可以點擊我, 再電郵談好嗎?

不願主動和身邊人接觸，正是你沒有朋友的原因。
你必須先克服這個性格，才是交友的開始。

喜歡回家上網沒關係，可到本港舉辦的一些動漫網站和同好聊天，待有現實世界的網聚時，出來與網友相認，即可交到朋友。

咁你可以幻想你踎緊監，你冇自由，但你大把時間，你同樣係冇朋友，你讀到大學，仲係咁無知，你應該高興你唔係踎緊監。

你應該, 將你呢個問題, 同你覺得可信的同學講出來.

咁人地才可以幫你, 把你帶入圈子.

有時, 可能去到一個多人的場合, 會感覺好古怪.
同唔知點投入. 但記著將心比己.

照可以把自己的難題, 笑笑口講出來, 來製造一個討論的話題.


有時要, 坦言, 把問題暴光, 或見光死.
才發現呢個唔再係一個問題.

例如:

我覺得自己唔知係好知點同人相處, 無乜朋友, 請見諒..
我巳經在嚐試, 或指教, 應該點做.
我自小就很小出街了.

如上述, 把你的問題拋出來. 大家互相體諒, 關係就會有好轉.
大前題, 第一個人, 要係你覺得最可信的人.


如果你搞掂呢個問題, 你出來做野, 同人相處都會好麻煩.
工作間, 更加無朋友. 但又要保持溝通.