新辦公司事宜

1. 新公司會在成立後18個月內收到第1份報稅表。首份報稅表就要在稅表發出後3個月內交。之後因為你年結為6月，不論有無稅務代表都要稅表發出後一個月內交。

既然你決定6月年結，你第一盤數可以是26/3/2014-30/6/2015，埋好數後就盡快找會計師樓做核數及報稅。HKICPA網頁有會計師樓名單，如果公司唔大可以搵D規模細會計師樓幫手，會計師樓會教你應該執乜文件做核數。

有D公司會有兩個好壞習慣。一個係deadline前2-3個星期先交資料做數，年年如是。要知道會計師行一臨近deadline會好忙（雖然而家仲有2個半月deadline，但有D都好忙）。因為遲交資料引致遲交報稅表而被稅局罰款，估稅或起訴，會計師行並不負責。佢幫你申請延期只係盡下人事，但唔保證一定成功。

另一壞習慣就係有D虧損公司，稅局係唔會年年出稅表，到稅局出稅表先一次過做晒之前咁多年核數，兼且要遲交資料做核數。會計師樓唔係只係做一個客，一間公司做幾年，起碼要做幾日，簡單可以3-4日做晒4年，愈複雜愈耐，所以我建議呢啲公司就算唔係年年報稅，都年年準時交資料做數，當會計師樓唔係太忙就會拎嚟做。都係果句，如果稅局罰錢，會計師樓唔會負責。

2.如果你僱用一位需要課稅或好大可能需要課稅嘅僱員，你需要在受僱係3個月內遞交56E。每年4月1日會收到薪酬及退休金報稅表(IR56A, 56B)，你要在發出後1個月內交回稅務局。就算你公司年結是6月，政府56B表格規定係報4月1日至3月31日人工。如果你有請人，而僱員好大可能要課稅／需要課稅（即薪金大過個人免稅額），但未收到56A,B， 你要填IR6163交去稅局。

如僱員即將離職，就需要在離職前1個月填寫IR56F通知稅務局。

3. 全職轉兼職要有僱員同意，除非你有好正當理由，此外亦要必須審慎考慮新的僱用條件，包括新的合約是否仍然符合「連續性合約」的定義 。
補充資料：
http://hk.apple.nextmedia.com/news/art/20040603/4086361
http://www.labour.gov.hk/text_alternative/pdf/tc/parttime.pdf

1. 成立18個月後稅務局寄出首封利得稅報稅表
公司年結日期自定，一般31/3, 31/12 或 30/6。31/3的話方便和僱主報稅表對數，而且有效多時間報稅 (利得稅報稅表提交日期可延展至同年11月16日，蒙受虧損的個案延展至下年2月1日，此延展由第二年利得稅報稅表適用)。

2. 除勞保及強積金之外提交IR56E表格（新聘僱員）
每年提交僱主報稅表（BIR56A表格和IR56B表格）

3. 凡未經僱員同意， 除非僱主能證明具有正當理由，
否則不應單方面將全職僱員轉為「兼職」，如僱主違反有關規定，僱員可根據《僱傭條例》有關不合理更改僱傭合約條款的條文，向僱主提出補償申索

1. 本公司一直都沒有收到政府的報稅表, 公司應何時需要報稅? 或有甚麼事情是本人需要跟進或辦理? (本人想安排 30/6 作為公司年結)

一般稅務局局會在12至18個月寄出報稅表，待收到表格後再準備文件住會計事務所處理就可以。若真的很擔心的話可以致電稅務局熱線查詢一吓進度。
而一般公司年結日期定為31/3或者31/12。

2. 聘請了一位全職員工, 需否通知政府? 應如何辦理?

要為全職員工買勞保及強積金。
只要當收到政府發出薪俸稅表（由僱主填報的薪酬及退休金報稅表），你就要填寫後寄回。政府就會知道你公司有多少員工。

3. 如果員工由全職轉為兼職, 又需有甚麼手續要辦?

最緊要終止舊僱傭合約，改簽回新的，避免日後出現勞資糾分。
當然即時都要通知積金局何時終止全職，更改供款。