✔ 最佳答案
你係咪早前問過成田機場點去新日本橋嗰位?
1. 正路方法係搭JR總武線去東京站轉中央線去新宿 (又或者從東急酒店行去神田站直接搭中央線*), 買咗周遊券之後搭小田急Romancecar^去箱根湯本.
如果你諗住小田原買pass, 咁就搭總武線去東京/新橋/品川 (品川轉應該行少啲) 轉東海道線去小田原 (Suica等卡/單程票都係¥1490).
*新日本橋至新宿車費¥216/¥220, 但神田去新宿車費只需¥165/¥170 (分別顯示交通卡/單程票車費).
東急stay嗰度行去神田站大約10分鐘左右, 東京站轉車同時都要由地底上返地面, 睇你揀邊樣.
^周遊券包新宿至箱根湯本車費, 但仍需另行俾特急附加費買特急券.
2. 唔包東京, 新宿版周遊券最多只可以往來新宿, 小田原版周遊券只可以去到小田原.
3. 建議去到小田原/箱根湯本直接轉箱根登山巴士過去, 小涌谷離小涌園都有一段距離.
反正小田原/箱根湯本去小涌園條線必定經過小涌谷站, 而且周遊券都包巴士, 倒不如直接搭巴士算數...
4. 到新日本橋站搭總武線去新橋 (交通卡¥154/單程票¥160), 再轉乘百合海鷗號到台場 (¥320).
呢個方法已經算最平最直接.
5. 新幹線留返長途先坐啦...
講過坐新幹線啲列車都要俾埋特急附加費, 但只係呢啲所謂「附加費」其實仲貴過車費本身. (新日本橋至小田原車費只係¥1490, 但坐新幹線既話連最平既自由席附加費都要¥1730)
6. 睇你去完箱根仲去邊, 返東京可以考慮買新宿版周遊券, 但如果會去東海道線沿線/轉新幹線 (當然唔係返東京啦!) 先至買小田原版周遊券.
2015-05-30 20:43:58 補充:
兩個版本周遊券有得免費搭箱根登山巴士, 正常小田原站/箱根湯本站去小涌園單程巴士票價分別要¥830同¥580.
但周遊券都要四,五千左右啦, 你起碼都要遊成個箱根或者上一上御殿場先有著數.