純友誼? 曖昧?

我自從與前任(拍左9年)分手一個月後, 經FRD介紹下認識左呢個女仔, 我就叫佢F小姐啦. 我地二個都已經出左黎做野. 年齡都係啱結婚的年紀, 初相識的時候佢比我感覺樣子平凡, 都算一個識諗既女仔, 唔大洗好慳, 而且大家都鐘意去旅行, 所以第一次見面時已經好投契.

接著的半個月, 發展得好快, 成日約出去, 去食下野, 睇下戲, 有時仲會去公園坐低傾下計, 大家都傾到自己啲感情觀, 輕輕帶過過往感情史, 大家屋企狀況等. 之後都拖埋手仔, KISS也有...而且聯絡得好密

跟住半個月後, 我地一齊去左旅行, 原本諗住分房瞓, 但最後都揀左一齊. 當然, 大家瞓埋一起, 都會有嗰種感覺. 順水推舟下就慢慢開始, 但始終F小姐過唔到心理嗰關, 最後去到LAST一刻就停左落黎無繼續. 在旅程終結時, 佢同我講太急, 我地返去香港之後就做返最普通的朋友, 暫時不要見面. 我嗰一刻真係好失落....

返左去後二,三日左右, 唔知點解我地有開始傾返計, F小姐仲約出去睇戲, 呢個當時我都摸唔清, 又好似之前咁, 除左大家無左拖手外.

隔左二個星期左右, 因為一個很普通的笑話, 令到佢好唔開心, 做男仔當然有氹佢, 嗰一刻佢落左氣. 但往後二,三天不斷重提, 開始我發覺了她的缺點：固執&神經質. 比佢冷靜完後打電話比佢都發脾氣, 話以後唔好見, 就BLOCK左我FB&WECHAT.

過左10日之後, 突然又UNBLOCK返, 慢慢又講返, 話已經落左啖氣. 傾多一排, 我自己也開始覺得唔應該專注係佢身上, 開始報COURSE充實自己生活. 所以都係一星期出黎1-2次左右. 突然有一晚, 佢忽然係WECHAT上叫唔洗對她太好, 我地永遠都係好朋友. 當時我都覆佢我都係當佢朋友.

現時狀況：
平時我地都KEEP住聯絡, 但有時都會有1,2日唔傾, 有時可能傾得密啲
大家都會約下出黎, 大概一星期1,2次左右
佢唔開心既時候, 朋友唔算多, 佢都希望我陪佢傾下
上次出去時傾開, 佢話想揾個好男仔嫁, 對住我講NEVER(我都回話:我NEVER揀佢)
話想學下MAKE UP提升氣質, 吸引啲好男仔
呢排佢知學整CAKE, 佢話想試下(有時我都唔知應唔應該咁順佢意, 始終係朋友)



Q1. 你們覺得是純友誼關係嗎? 有可能發展嗎?
Q2. 我應不應該與她KEEP住咁既關係呢?
Q3. 你們相信女生都是真心話嗎?
Q4. 希望各位比啲往後點處理呢段關係既意見... THANKS!