日本成田機場到新日本橋

1. 最簡單方便係坐任何一架JR成田線快速列車直達新日本橋站.
快可以坐Narita Express到東京站, 過返對面月台坐回頭方向JR總武線快速列車一個站到新日本橋站.

成田機場去新日本橋坐快速列車單程票¥1320, 而用Suica等交通卡¥1317, 車程約90分鐘.
坐N'EX到東京站轉車, 除以上車費外亦須付特急附加費, 用單程票/交通卡合計費用分別¥3020/¥3017.
車程合共約65分鐘, 未計任何轉車時間.


若坐京成就要搭Skyliner到上野, 再轉乘地鐵銀座線 (澀谷方向) 到三越前站.

Skyliner單程票費用合共¥2470, 交通卡費用¥2465 (車費¥1240/1235 + 附加費¥1230), 而地鐵單程票費用¥170/交通卡¥165. (兩程夾埋, 單程票¥2640, 交通卡¥2630)
Skyliner車程45分鐘, 地鐵車程7分鐘, 未計任何轉車時間.


2. 需從新日本橋站8號出口出站. (如果搭Skyliner轉地鐵, 三越前站出閘之後有地下通往新日本橋站, 跟JR牌行過去便可.)
出地面就左轉, 行到第一個路口 (昭和通) 左轉, 到第二個街口前就係Tokyu Stay, 行大約5分鐘內.


3/4. 要睇你整體行程.
例如如果你有幾日留喺東京會搭幾程地鐵, 你可以考慮買京成/地鐵套票.
如果去埋東京郊區, 可以睇JR Kanto Area Pass啱唔啱你.
都可以睇埋N'EX東京去回車票等等.

無話地下鐵/都營之中邊個平啲, 又唔係每條線重疊...


5. 到新日本橋站搭JR總武線去到東京站, 轉東海道新幹線直達京都.
新幹線分三種列車, 「のぞみ (Nozomi)」最快且停站最少, 「ひかり (Hikari)」停站較多但較平, 而「こだま (Kodama)」要站站停且班次最少, 價錢同Hikari一樣.

新日本橋去京都車費¥8210 (唔可以用卡), 而另需以下新幹線附加費:
各列車自由席 (非劃位): ¥4870
Nozomi普通車指定席 (劃位): ¥5700
Hikari/Kodama普通車指定席: ¥5390
上述指定席附加費繁忙期亦會加多¥200, 閒散期則有¥200折扣.
東京站上自由席問題不大, 始終所有新幹線列車都東京開, 只要唔好太遲上車都會搵到位.

東京站去京都站Nozomi車程約2小時15分鐘, Hikari車程約2小時40-50分鐘, 而Kodama車程要3小時45分鐘以上.


6. 可以搭新幹線返東京站.
京都去成田機場全程JR (轉N'EX) 車費¥9290, 新幹線附加費可睇返上題, N'EX附加費用要¥1700.
新幹線車程可睇返上題, N'EX車程約一小時.

買咗京成既pass亦可考慮到東京站轉一個站「上野東京ライン」去上野轉京成Skyliner返成田.