✔ 最佳答案
長沙灣/荔枝角去土瓜灣:
建議首選搭紅色小巴.
美孚/長沙灣廣場/幸福邨可搭美孚至土瓜灣小巴 ($9.5), 於欣榮花園落車, 然後沿馬頭角道直行到馬頭涌道路口就係工人俱樂部. (平日07:30-09:30需到土瓜灣街市落車, 再沿馬頭圍道行10分鐘前往.)
青山道沿線可搭青山道至土瓜灣小巴 ($10) 到長寧街落車, 然後再行15分鐘過去.
巴士點搭都唔係非常對路, 最近都已經係搭九巴2A ($5.8) 到播道醫院, 沿富寧街、馬頭涌道行大約10分鐘過去.
6C、6F、41、45等等往九龍城碼頭路線, 行過去其實都非常遠, 2A相對嚟講已經較近.
荔枝角去荃灣:
搭地鐵已經最好, 美孚一帶 (嗰度地理上仍屬荔枝角一部分) 亦可選搭西鐵.
地鐵 ($6.2) 到荃灣落車, 再從A1出口沿大河道行人天橋一路行到荃新天地商場, 進入商場後落地面, 沿沙咀道向大窩口行, 再轉入大屋街就係金豐閣.
西鐵 (美孚去荃灣西$6) 到荃灣西落車, 從D出口沿大河道行, 轉入楊屋道、禾笛街屈入去就到大屋街.
亦可搭九巴30X、234X ($8.9, 美孚另設$6.4分段) 到滿樂大廈落車, 再沿沙咀道行轉入大屋街便到達.
但價錢、時間上都係地鐵優勝, 30X、234X班次無時無刻可以甩到飛起.