✔ 最佳答案
我既回答同建議就開門見山
事實係, 獻恩勤唔係重要打動交往對象既方式, 係要建基於佢對你既興趣先有效
首先要改變既係你行動同態度
佢會時不時無視你留言, 對你既禮無咩反應, 正正証明你係佢心中唔太重要, 但唔表代冇發展可能
既然佢唔係對你一見鍾情, 要吸引佢就係共同回憶同對你既了解:
前者係你點同佢相處, 呢個我講唔D咩, 因為我唔係你圈子中, 我唔了解你地, 但我有一個建議係, 你既心中唔可以當佢係女神, 唔可以太刻意獻恩勤, 相反係, 佢有需要你幫助佢, 同時你亦可以搵佢幫幫你忙; 另外亦唔好急於追求, 唔好刻意單獨約會, 先從團體做起, 一大排friend一齊去玩可以約佢, 再嘗試打開話題, 你覺得佢會主動同你傾計, 再約佢都未遲
共同回憶講完就係佢對你既了解, 基本冇咩特別, 就係你同佢相處戈時就做自己, 你講粗口既, 就講, 你鍾意開人玩笑就開, 如果你覺得呢D缺點你自己都接受唔到, 直接改善自己, 唔好只係佢面對改變, 否則就叫扮野. 如果了解你覺得唔適合, 就唔好強求
"2.佢會5會覺得我對佢有意思?" 呢D問題其實冇意思, 兩者如果可以自然地由友好走進互相感到好奇, 再走到互相都有意思交往時, 自自然然就會展開追求, 根本冇空閒諗呢樣野
總括然言就係心態問題, 唔好愈諗佢愈好, 唔好以獻恩勤來打動, 嘗試更簡單既相處方式, 或者會有意想不到既效果
祝你成功同時, 失敗亦唔好執著, 不合適時強求只會弄巧成拙