關於去完殯儀館,返屋企前要點樣的儀式?

回樓主 :
去完殯儀館之後，會有封稱為吉儀既利是封俾你，入面會有一粒糖同埋一蚊，呢封利是唔好帶返屋企，粒糖同一蚊要係入屋前用左佢同食左佢。

你直接同紙紮鋪既人講話想要份-->大百解<--就可以，唔需要同佢講話屋企有人過左身，百解用意係消災解難。

入屋前將大百解掃均全身(一人一張)，再係個鐵盆到火化，誇過之後再入屋，誇火盆喻意辟邪意思。
(唔買百解既話，可以燒報紙代替，但係報紙就冇百解既功效，報紙唔洗掃身)

紙札鋪既利是封，入面應該係裝有符之類既野，係咩符就唔清楚，直接買大百解就得。

2015-05-19 11:37:09 補充：
大百解係一份一張，黃色一張紙咁，三個人就買三張，一張掃完身就拎去化，誇過火盆之後先入屋。

2015-05-20 02:24:25 補充：
大百解唔洗成張撻開黎掃身，只需要張天師對住外面直接掃均全身就可以，最好一人一張。
燒既話要燒晒全部，逐張逐張燒又得，放埋一齊燒都得，因為我驚你3張放埋一齊燒既話會燒親自己，所以最好逐張逐張燒，再逐個逐個入屋。即係燒一張就入一個，等火冇咁大既時侯就再燒再入一個，咁樣比較安全。

2015-05-20 02:32:19 補充：
同一個火盆可以幾個人入屋，但係同一張大百解唔可以幾個人一齊用。或者你可以先化一張大百解，等兩個人誇過入左屋之後，係外面留一個人係到，再將剩餘百解化左佢再誇過入屋。

重點 : 同樣道理，已用過既大百解唔好入屋，冇誇過火盆既人唔好入屋。