龜背灣/南灣泳灘交通 15pts

龜背灣最快係搭東鐵去紅磡 (普通等$9.5, 約半個鐘), 行去紅隧口巴士站搭九巴/城巴118 ($9.3, 約25-30分鐘) 到阿公岩道同站轉乘新巴14 ($6.1*八達通分段, 約15分鐘內) 到龜背灣落車.
之後就向前行一陣就見到條好長既樓梯落龜背灣.

*14上車會先扣全程車費$8.9, 龜背灣落車再拍多一次會回贈$2.8.


南灣就無車去到.
最少都要先搭東鐵過紅磡, 隧道口轉九巴/城巴171 ($11.1) 到香港仔隧道收費廣場, 行去黃竹坑新圍轉城巴6A ($8.4)、6X ($8.4)、73 ($5.8)、260 ($10.6)、973 ($6.1) 或專線小巴40 ($4.9)、52 ($7.3) 到保華大廈落車, 沿南灣道行差唔多半個鐘過去.
或者直接從淺水灣轉的士, 大約$35-40.


龜背灣就有車去到, 南灣就無, 但前者得小食亭 (或者龜背灣巴士站旁邊既紅山廣場).
南灣之前好似有餐廳, 但上openrice睇話結咗業.

去龜背灣,上水搭東鐵到九龍塘轉油塘-測魚涌到港港東到柴灣C出口,在C出口附近有專線16X10分鐘到,赤柱市集總站,經龜背灣,但龜背灣無野食買,附近有大潭水塘,要行幾十級樓梯落去.如果去燒烤可在赤柱市集內買,赤柱警署斜對面有惠康.南灣唔清楚啦.
也可在筲箕灣A出口,巴士總站有9號巴士去石澳,附近也有紅色小巴入石澳.石澳沙正,沙灘兩旁有很多私家租用燒烤爐,食物,沖涼.不很貴.