觀塘往返香港仔中心 交通問題

直車就得放工時間 (18:00-19:40) 往香港仔紅色小巴 ($20).
於宜安街開出, 經牛頭角道沿線 (一路去到淘大為止), 到總站落車後面就係香港仔中心.

其餘時間建議以下方法:
- 搭地鐵觀塘綫轉將軍澳綫去北角 ($9), 由B3出口轉新巴38、42、42C ($6.9) 或城巴77 ($6.2) 或專線小巴69 (分段$9.5, 未必有位, 唔好夾硬等) 到香港仔海濱公園落車, 經行人隧道過對面馬路直達香港仔中心.

- 搭地鐵觀塘綫轉將軍澳綫轉港島綫去銅鑼灣 ($11.1),
- 由F1出口到希慎廣場轉新巴38、42、42C (分段$5.6) 、城巴72 ($4.7)、77 (分段$5.3) 到香港仔海濱公園落車.
- 由D1出口到景隆街轉專線小巴4C ($7.5) 到利港中心落車, 隔一個路口就到香港仔中心.

- 搭隧巴601、619 ($9.8) 到美麗閣同站轉乘38、42、42C、77、小巴69 (價錢同北角上一樣); 601亦可到希慎廣場轉38、42、42C、72、77 (價錢同以上路線銅鑼灣分段收費相同).

- 只適用於繁忙時間: 搭隧巴601P、619X ($9.8) 或641 ($10.5) 到盧押道 (601P) / 分域街 (619P/641) 落車, 過對面馬路到入境事務大樓轉城巴70到香港仔海濱公園落車.

101隧道口轉107唔係唔可行, 但觀塘來說行東隧過海比較直接.



至於凌晨12點, 仍可到香港仔總站搭38或香港仔大道沿線搭42 (尾班車分別00:30同00:35由置富花園同華富開.
可以睇下你趕唔趕得切地鐵尾班車, 由銅鑼灣01:04開, 由北角01:10開.
趕唔切則可於怡和街/英皇道沿線搭通宵隧巴N619 ($13.4) 返觀塘.

搭101, 隧道口轉107。