請問POLY既 應用及媒體藝術(榮譽)文學士

Poly 呢個degree 係近年先開，隸屬設計學院，主要係回應City 收生非常強既創意媒體既競爭而開辦，所以佢教及學既野其實同創意媒體嗰邊好相似，即係以拍片及做多媒體影片為主。

Poly 係UGC 大學，對英文有較高要求係正常，你要預左係面試一定有唔短既英文對答時間。不過據我設計出身既朋友講，呢行對英文要求唔係非常高，所以除非樓主無法用英文介紹自己，或宣傳單張都睇唔明及無法用英文答試卷，否則英文程度唔係入學既主要障礙。

樓主讀既係室內設計，與多媒體創作係完全唔同行，起碼後者唔會用Auto Cad。你要注意既係兩行不僅讀既野完全唔同，出路亦好難重疊，多媒體創作畢業後一般去做電腦動畫或拍攝影片既工作，同平面設計或室內設計基本上無關。另外，樓主對自己底子既憂慮好正常，不過由於多媒體創作一般連毫無底子既同學都會收，樓主讀過設計一定會好少少，但你必須要有心理準備即使可以成功入學，就等如從頭學過所有野。

至於學貸，只要樓主未過30歲，而報讀既課程又係政府認可，有資歷架構，通常借Grant & Loan 無問題。不過Part Time 課程有無Grant & Loan 又係另一個問題，樓主必須要查清楚。另外，只要符合上述條件，任何人理論上可以無限次借Grant & Loan 及免入息審查貸款。以樓主既情況，往後還錢就有兩個互相獨立既賬號，只要你跟足程序，依時還款就唔會有問題。

2015-05-06 09:26:54 補充：
搵左少少資料，發現樓主提到既美術教育degree 由一樣由Poly 設計學院提供，目的係培訓美術教育人才。Poly 一向無做開教育課程，呢個degree 既Programme Structure 裡面與教育有關既科目亦非常少，坦白講，呢個唔係一個專業既教育學位，讀完之後可否成為註冊教師都有疑問。樓主如果真係想投身中小學美術教育，教院有相關既美術教育學士課程，樓主可以去打聽下。

2015-05-12 14:30:55 補充：
樓主誤會左我正文既部份內容。一般Multimedia 既課程係預左入來既同學無呢方面既底子，即使個學生夠學歷入學，但的確係當所有同學係生手咁教。不過當然，你有Multimeida 既學歷會容易應付課程好多，但無相關經驗應該唔係問題，校方滿意你既面試表現就有機會收你入學。