小食店費用

仲有,最基本既係營運資金,新開可能冇乜生意,但舖租,料錢,燈油火爉一樣要俾,一般最少預半年營運儲備.

除此之外,因為你地都讀緊書,都要同時間考試,咁準備考試時都要溫書,亦冇可能睇到舖,咁邊個會肯捱義氣呢? 如果因為睇舖而影響學業,你地一定唔想,咁到時又可能要請兼職幫你地頂一頭半個月,兼職唔會全時間睇舖,所以可能最少要請兩個以上,呢d又係開支.

如果只做外賣,宣傳上可能要花好多錢,會用乜方法? 呢方面支出需時幾耐? 開支又如何?

最緊要計好條數,有得做先去馬,唔好一廂情願覺得有得做,最好事先做好 research,睇下附近多唔多對手,客源人氣夠唔夠, 自己班友又是否一定做得黎,最怕係有人背信棄義,虎頭蛇尾.

人工呢？你唔出量邊有人肯做？唔好同我講你哋開甜品店肯唔收錢做義工。呢樣係租金同以外同樣高嘅每月支出。

工具壞咗你要比錢維修，仲有d雜項如管理費，清潔，宣傳。

畢業未先?

暫時幫你加一樣,宣傳費.


2015-05-02 17:59:00 補充：
我又多口搭下咀啦,基本上係唔需要預6個資金,因為做食(特別係甜品)其實最搵錢係頭一年,新鮮感過左,生意額會跌,如果你第二個月都未收支平衡,我建議係結業(或者需要有大改革).

打大條數做宣傳,孤寒呢條數就難攪.

或者請我黎試食,不過我好食得.

舖租都夠你玩，其他唔使計，仲有，你搵到舖位先慢慢計。