✔ 最佳答案
買歡迎光臨大阪¥1500套票應該最好.但套票包括一張南海特急單程票以及一張大阪交通一日券, 建議將一日券留到Day 4先用, 因為嗰日搭地鐵為主.
Day 1:搭南海特急到大阪市區難波站 (用南海特急單程票), 然後轉乘地鐵御堂筋線 (千里中央方向) 到心齊橋, 再沿「クリスタ長堀」地下街向長堀橋方向行 (另行購買¥180單程票), 到「北5」出口回地面, 轉右一個街口再轉右就見到酒店入口.
Day 2:沿地下街行去長堀橋站, 搭地鐵堺筋線/阪急千里線直通列車*到淡路, 轉乘阪急京都本線到河原町. (買單程票共¥240+400 = ¥600, 行過對面河到祗園四條僅5分鐘步程)回程則回河原町站搭阪急京都本線到淡路, 轉乘阪急千里線/地鐵堺筋線直通列車返酒店.
*天神橋筋六丁目均為堺筋線/千里線總站, 但實際運作上絕大部份列車都會互相直通運行, 換言之長堀橋去淡路一般都毋需轉車, 而淡路轉車係過對面月台/同月台轉車. 阪急本線亦有多種列車選擇 (快速特急、特急、準急、各站停車), 全部毋需附加費, 但快速特急/特急列車停站最少. 購票方面, 長堀橋站售票機應該亦可購買往來阪急各站車票, 唔得亦可先購買往淡路車票, 再到河原町補票.
Day 3:
沿地下街行去心齊橋站搭地鐵長堀鶴見綠地線到大正 (單程票¥180), 轉乘JR大阪環狀線 (順時針往大阪方向) 到西九條, 過對面月台轉櫻島線到Universal City落車 (單程票¥180).回程調轉, 搭櫻島線去西九條, 轉大阪環狀線 (逆時針往天王寺方向) 去大正, 再轉長堀鶴見綠地線返心齊橋.
Day 4 (主要搭地鐵為主, 建議使用一日券):行去心齊橋站搭御堂筋線 (千里中央方向) 到梅田, 穿過阪急百貨店便可直達HEP Five摩天輪一帶.梅田往黑門市場, 可搭御堂筋線 (なかもず方向) 到なんば[難波]轉乘千日前線 (南巽方向) 到日本橋站, 到10番出口出站不遠處就係黑門市場.黑門市場返酒店可搭堺筋線到長堀橋, 再行返酒店.
Day 5:
行去心齊橋站搭御堂筋線 (なかもず方向) 到なんば[難波] (單程票¥180), 轉乘南海空港急行列車到りんくうタウン (Rinku Town) (單程票¥720), 再行去Rinku Premium Outlets.* 返機場可返去りんくうタウン站搭南海空港線/JR關西空港線到關西空港 (兩鐵單程票均為¥370)^.
*同阪急一樣, 心齊橋站售票機亦應該可以一次過購買往りんくうタウン車票, 唔6得可以先買往難波車票, 再買南海嗰段飛 (地鐵<->南海轉車需出閘轉乘).^雖然南海同JR同價, 但兩鐵售票機係分開, 購票後必須搭該車票所屬鐵路公司的列車往關西機場再出閘 (南海同JR於りんくうタウン站入閘區係共用, 但去到關西機場站就分開).
