週年申報想自已做番

如果你公司唔係擔保有限公司，公司成立日後42日內要交周年申報表，交申請表時要交$105登記費用。過期要交附加費，超過42日但不超過3個月交$870登記費，超過3個月但不超過6個月交$1,740登記費用，超過6個月但不超過9個月交$2,610登記費用，過期超過9個月交3,480。仲唔交就有可能收到法庭傳票要你上庭。

如果係擔保有限公司，公司須在每一個財政年度，在公司的申報表日期後的42日內交付周年申報表登記。擔保有限公司的申報表日期是公司的會計參照期結束後的9個月屆滿之日。除了要交表格及費用（同上）外，亦要交一份附有董事會報告的經審核財務報告。

2015-04-30 21:09:09 補充：
所以如你公司係後者，就盡快拎盤數比會計師樓做audit。有D擔保有限公司多年唔做AR，到CR出信要求28日內交晒欠交報表，唔好彩（如會計師行太忙）嘅到deadline都未做晒，有D收到信又唔理，到收到法庭傳票先識驚。

提埋你，如果你公司董事或秘書人物或資料有變更，或更改公司註冊地址／名稱，你都要上公司註冊處交表格，公司註冊處規定要在變更生效日期後15日內通知。

週年申報費用多少