追星用咩相機好?

影演唱會對器材要求其實頗高的.唔係SX60 HS呢啲抵食夾大件既天涯機可以應付得到.佢得1/2.3吋蚊形感光完件.ISO 400應該都已經好勉強,而且本身光圈偏細,再zoom遠就更加細,室內用快門肯定超慢先夠光,莫講話涷結動作,連手震都未搞得掂.而且去到咁長焦距入光量小對焦都唔慌快,山頂位都影得好清楚係得既,不過係講緊影晒成個場,唔係影哥星特寫.
Samsung冇乜長鏡頭,最長都係200mm,不過嗰支得F5.6光圈,雖然演唱會有射燈,但都會好勉強.唔換機前提下,我會建議Samsung 50-150mm f2.8 S ED OIS,有F2.8,用到ISO 800應該有足夠快門影得清,不過佢最長只有150mm焦距,你要差唔多握手位先影到特寫,另外支鏡超過一萬蚊同埋頗重吓,要睇你接唔接受到.比起影演唱會,會較適合唔太遠距離追星.以下有支鏡既介紹.
http://www.dcfever.com/news/readnews.php?type=&id=11479
如果換機既話,最理想係數碼單反,尤甚係全片幅,配長焦距大光圈鏡頭,對焦速度會比NX3000好,全片幅的話可用ISO會更高,但價錢及重量我估你好難接受.影演唱會用幾靚器材都唔及一個靚位.

搵支長炮去就影得清楚，必要時頭等就頭等啦，為咗影相，唔慳得咁多。